LEXO PA REKLAMA!

SHKARKO APP

E fundit!

x

U gjetën rrënjë kanabisi në repartin ushtarak të Zall Herrit/ Berisha: Duhet dorëheqje e menjëhershme e Peleshit

5 Gusht 2023, 21:01, Aktualitet CNA

U gjetën rrënjë kanabisi në repartin ushtarak të Zall

Ish-kryeministri Sali Berisha ka kërkuar dorëheqjen e Ministrit të Mbrojtjes, Niko Peleshit.

Përmes një shkrimi në rrjetet sociale Berisha shprehet se burime zyrtare konfirmojnë se në repartin ushtarak më të ruajtur të të gjithë ushtrisë shqiptare, në territorin strikt të mbrojtur të repartit të trupave elitë të ushtrisë shqiptare , në Zall Herr, janë gjetur të kutivuara bimë kanabisi.

Ish-kryeministri thekson se ky zbulim, implikon thellë dhe me përgjegjësi të rëndë Ministrin e Mbrojtjes, Niko Peleshin.

“Deklaratë e Partisë Demokratike

Ushtria e narkoshtetit të Edi Ramës, narko-ushtri.

Në repartin e trupave speciale të Zall Herrit gjenden plantacione me qindra të Kanabis Sativa.

Burime zyrtare bëjnë të ditur se në repartin ushtarak më të ruajtur të të gjithë ushtrisë shqiptare në territorin strikt të mbrojtur të repartit të trupave elitë të ushtrisë tonë, në Zall Herr janë gjetur plantacione me qindra e qindra rrënjë kanabis.

Partia Demokratike deklaron se ky skandal i turpshëm i pashembullt në historinë e ushtrisë shqiptare, ushtri njëkohësisht e Aleancës së Atlantikut të Veriut, implikon thellë dhe me përgjegjësi të rëndë narkoministrin Peleshi i cili është akuzuar për parcela kanabisi gjatë periudhës që ka qenë ministër bujqësie, shtabin e përgjithshëm, zbulimin, policinë ushtarake shërbimet inteligjente të ushtrisë dhe komandën e rapartit të trupave speciale të Zall Herrit. Ky skandal dëshmon tragjikisht shnëdrrimin e ushtrisë e narkoshtetit të Edi Ramës që është dhe narkoshteti i parë dhe i vetëm në Europë në narko-ushtri sikur të ishte ushtri e talebanëve dhe jo ushtri e një vendi anëtar të NATO-s.

Partia Demokratike e Shqiperisë dënon me forcën më të madhe këtë skandal të turpshëm për ushtrinë, por dhe shtetin shqiptar dhe kërkon dorëheqjen e menjëhershme të ministrit kanabisit Peleshi si dhe vendosjen para ligjit të gjithë përgjegjësve të këtij akti të turpshëm dhe kriminal të shëmtuar.”-shkruan Berisha./CNA.al

Lajmet e fundit nga