web counter
LEXO PA REKLAMA!

SHKARKO APP

App Store
Google Play

E fundit!

x

Balluku inspekton punimet në aksin Elbasan-Qafë Thanë/ “Projekti nuk do përfshijë vetëm ndërtimin e autostradës”

3 Janar 2023, 16:11, Aktualitet CNA

Balluku inspekton punimet në aksin Elbasan-Qafë Thanë/

Ministrja e Infrastrukturës dhe njëherësh edhe zëvendëskryeministrja, Belinda Balluku ka inspektuar punimet në kantierin e aksit Elbasan-Qafë Thanë, pjesë e Korridorit VIII.

Balluku ka treguar për qytetarët se ky aks rrugor do të jetë i ngjashëm me Bypass-in Fier-Vlorë dhe projekti nuk do të përfshijë vetëm ndërtimin e autostradës, por edhe përmirësimin e shtratit të lumit Shkumbin.

Gjithashtu ministrja theksoi se si projekt i Korridorit tetë, në Elbasan do punohet edhe për përmirësimin dhe zgjidhjen e problemit të trafikut.

“Ka shumë pyetje lidhur me këtë rrugë. Kjo është një rrugë e kategorisë B. Është e ngjashme me bypass-in e Fierit dhe bypass-in Fier-Vlorë, një rrugë me 2 korsi e ndarë në mes. Është një autostradë e mirëfilltë e ngjashme me atë të bypass-t të Fierit. Po punohet edhe për riparimin e shtratit të lumit Shkumbin. Kjo rrugë është një segment i korridorit të tetë për të cilin kemi një plan të madh. Është shumë i rëndësishëm pasi është një përpjekjeje e madhe e jona bashkë me Maqedoninë e Veriut dhe me mbështetjen e Bullgarisë. Do ndërtojmë segmentin e parë të këtij korridori. Ngarkesa është e jashtëzakonshme. Trafiku që ka qyteti i Elbasanit është një problem që synojmë ta zgjidhim nëpërmjet këtij projekti”, u shpreh ajo.  / CNA.al





Lajmet e fundit nga