web counter
LEXO PA REKLAMA!

SHKARKO APP

App Store
Google Play

E fundit!

x

“Babalja” bëhet qesharak: Beteja ime nuk është për karrigen

26 Maj 2026, 14:43, Aktualitet CNA

Ervin Salianji, i njohur ndryshe si “Babalja”, i dënuari për kallëzim të rremë, njeriu që akuzohet nga kreu i PD-së, si njeri i lidhur me eksponentë të krimit, njeriu që kërkon sërish të përçajë PD me metoda të Luli Bashës, duke i shërbyer Ramës ka deklaruar se Berisha është i braktisur nga demokratët.

Në fakt kjo deklaratë e Salianjit ndaj Sali Berishës dhe pretendimi se ai refuzohet nga demokratët është një tregues i ambicies personale dhe jo realitetit politik.

Salianji thotë se beteja ndaj Berishës, nuk është betejë për karrige apo për karrierë por në fakt veprimet e tij tregojnë të kundërtën.

Mjafton të kujtojmë se si u doli me dru para demokratëve me urdhrat e Luli Bashës për të mos i lënë të futen në selinë blu, pikërisht për karrigen.

Salianji po sillet thjesht dhe vetëm si një kopje e ish-kryetarit të tij, Luli Bashës, duke krijuar fronte për të përçarë opozitën që në fakt që prej greminës në të cilën e hodhi Luli Basha nuk po arrin të dalë më, me skenare që në fund i shërbejnë vetëm Ramës.

“Përjashtimi i mendimit ndryshe nuk është pjesë e PD. Një parti që nuk pranon garën brenda vetes, nuk plotëson standardet. Por ne kërkojmë standarde përballë Edi Ramës por nuk i plotësojmë vetë ato. E kemi nevojë për një PD ku respektohen rregullat. Shoqëria ka nevojë për një PD që respektohen rregullat, ku gara është reale. Realiteti politik tregon refuzimin e Berishës nga demokratët. Ja ku është realiteti i faktuar, Berisha është i braktisur nga demokratët, ndaj nuk pranon garë. PD më pak se një vit nga sot, do të jetë në fushatë elektorale, por se di ca do i thotë elektoratit. PD duhet të rikthehet te standardet demokratike. Nëse duam që të bindim shqiptarët të demokratizojmë Shqipërinë, duhet që PD të demokratizojë vetveten. Një PD e hapur mund të kthehet si alternativë fituese. Kjo betejë nuk është betejë për një karrige. Nuk kam pasur asnjë problem për karrierën time”, ka deklaruar ndër të tjera Salianji./ CNA





Lajmet e fundit nga