web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj zvarrit proceset gjyqësore/ GJKKO pezullon afatet e paraburgimit

26 Maj 2026, 11:22, Aktualitet CNA

Erion Veliaj zvarrit proceset gjyqësore/ GJKKO pezullon afatet e

Kryebashkiaku i arrestuar i Tiranës Erion Veliaj me 13 akuza për 5 vepra të rënda penale vijon të zvarrisë proceset gjyqësore në GJKKO.

Sërish në këtë seancë Veliaj nuk ka qenë i pranishëm, duke bërë që GJKKO të pranojë kërkesën e SPAK për pezullimin e afateve të paraburgimit për shkak të zvarritjeve që Veliaj po i bën procesit.

Sipas SPAK, Veliaj po pengon procesin ndaj dhe është kërkuar të pezullohen afatet e paraburgimit. 

Avokati i pandehur nga GJKKO me akuzë nga SPAK, Plarent Ndreca ka përdorur sërish justifikimin e materialeve hetimore ndërkohë që Veliajt i janë dorëzuar materialet hetimore në të gjitha format si më USB si të printuara.

Mësohet se seanca e radhës do të mbahet në datën 10 qershor.

Erion Veliaj dhe avokati i tij i pandehur Plarent Ndreca po përdorin taktika të ndryshme për të mos u përballur me drejtësinë.

Kryebashkiaku i arrestuar i Tiranës, Erion Veliaj, vijon zvarritjen e gjyqeve duke përdorur çdo skemë dhe makinacion të mundshëm. Dosja e tij voluminoze ka shkuar që prej korrikut në gjykatë dhe Erion Veliaj prej 10 muajsh vijon sagën e shtyrjes së seancave.

13 akuza për 5 vepra të rënda, 9 herë korrupsion, shpërdorim detyre, pastrim të produkteve të veprës penale, fshehje pasurie, futje të sendeve të ndaluara në qeli rëndojnë mbi kryebashkiakun Erion Veliaj.

Mbi 60 mijë faqe që faktojnë me prova akuzat ndaj kryebashkiakut që ka përdorur detyrën, fondet e bashkisë, për të pasuruar veten dhe familjarët e tij. Gjatë kësaj periudhe, Veliaj ka përdorur çdo lloj makinacioni, nga ndryshimi i avokatëve te sulmet apo paditë ndaj prokurorëve dhe vendimeve të tyre në gjykata të ndryshme./ CNA





Lajmet e fundit nga