web counter
LEXO PA REKLAMA!

SHKARKO APP

App Store
Google Play

E fundit!

x

Avokatët e Berishës braktisin seancën në GJKKO, debate me prokurorët

25 Tetor 2023, 16:08, Aktualitet CNA

Avokatët e Berishës braktisin seancën në GJKKO, debate me

Ish-kryeministri Sali Berisha nuk është paraqitur në GJKKO as në seancën e ditës së sotme.

Në këtë seancë ai u përfaqësua nga dy avokatët Genc Gjokutaj dhe Sokol Mëngjesi.

Mirëpo procesi gjyqësor është shoqëruar me debate të shumta mes avokatëve dhe prokurorëve. 

Madje avokatët kanë braktisur edhe seancën. Është e disata herë që shtyhet seanca për Berishë.

Berisha ka deklaruar për mediat se do të paraqitet në SPAK, nëse hiqet masa antiligjore ndaj tij "detyrim paraqitje". 

Berisha dyshohet se ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA





Lajmet e fundit nga