web counter
LEXO PA REKLAMA!

SHKARKO APP

E fundit!

x

SPAK sekuestron truallin e bashkëshortit të Olta Xhaçkës në Palasë

25 Tetor 2023, 12:09, Aktualitet CNA

SPAK sekuestron truallin e bashkëshortit të Olta Xhaçkës

SPAK ka sekuestruar një truall në Palasë të Artan Gaçit, bashkëshortit të ish-ministres Olta Xhaçka.

Mediat raportojnë se konkretisht është sekuestruar 5512 m2 truall, pjesë e tokës me të cilën Gaçi ka fituar statusin e investitorit strategjik.

Kjo masë e gjykatës është ekzekutuar nga oficerët e Byrosë Kombëtare të Hetimit.

SPAK ka konfirmuar se kjo sipërfaqe toke është blerë nga bashkëshorti i ish-ministres, por origjina e saj është e falsifikuar.

Kujtojmë se Gaçi u mor në pyetje nga SPAK-u pak javë më parë, konkretisht më 6 tetor.

Ai u thirr pas kallëzimit të kryer nga Fredi Beleri ndaj kryetarit në detyrë të Bashkisë Himarë, Jorgo Goro.

Beleri i referohet auditimit të KLSH-së në Bashkinë e Himarës për vitet 2019-2021 ku sipas tij janë gjetur shkelje të ligjeve në procedurat e tenderimeve publike, mosmbledhjes së të ardhurave dhe debive në buxhetin e bashkisë dhe në dhënien e lejeve të ndërtimit në kundërshtim me ligjin./ CNA





Lajmet e fundit nga