LEXO PA REKLAMA!

SHKARKO APP

Dosja "Partizani"/ Sot, seancë në GJKKO për Berishën

25 Tetor 2023, 09:20, Aktualitet CNA

Dosja "Partizani"/ Sot, seancë në GJKKO për

Këtë të mërkurë mbahet seanca gjyqësore ndaj ish-kryeministrit Sali Berisha, për çështjen "Partizani".

Seanca për ish-kryeministrin është vendosur të mbahet në orën 14:30.

Seanca e djeshme për ish-kryeministrin u ndërpre dhe u shty, pasi mbrojtja kërkoi kohë të njihet me aktet.

Berisha nuk u paraqit në GJKKO, por u përfaqësua nga avokatët e tij, Genc Gjokutaj dhe Sokol Mëngjezi.

Vetë ish-kryeministri deklaroi dje në një konferencë me gazetarët se nuk shkon në gjykatë nëse nuk i hiqet masa “detyrim paraqitje” për të cilën pretendon se është antikushtetuese.

Berisha dyshohet se ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA

Lajmet e fundit nga