web counter
LEXO PA REKLAMA!

SHKARKO APP

App Store
Google Play

Lojëra fati në 2 lokale/ "Basti i fundit" prangos 3 persona  

25 Tetor 2023, 15:53, Aktualitet CNA

Lojëra fati në 2 lokale/ "Basti i fundit" prangos 3 persona

Tre persona kanë rënë në prangat e policisë pasi akuzohen se kanë ushtruar veprimtari të paligjshme në fushën e lojërave të fatit.   

Falë operacionit policor të koduar "Basti i fundit" u arrestuan në flagrancë shtetasit A. T., 46 vjeç, A. P., 53 vjeç dhe u shpall në kërkim shtetasin E. K., 36 vjeç, banues në Pogradec.

Gjatë kontrollit të ushtruar në lokalin e 36-vjeçarit, shërbimet e Policisë gjetën në celularët e 2 shtetasve të tjerë, bileta të basteve sportive dhe faqe bastesh sportive. Nga hetimet e kryera dyshohet se shtetasi E. K. ishte organizatori i kësaj veprimtarie deke qenë se kishte vënë në dispozicion lokalin e tij, për ushtrimin e lojërave të fatit;

Gjithashtu u arrestua në flagrancë shtetasi D. M., 46 vjeç dhe filloi procedimi në gjendje të lirë për shtetasin R. D., 64 vjeç, banues në Pogradec, pasi gjatë kontrollit të ushtruar në një lokal në përdorim të 64-vjeçarit, të cilin e kishte vënë në dispozicion për ushtrimin e kësaj veprimtarie, shtetasit D. M. iu gjetën në celularin e tij, bileta të basteve sportive dhe faqe bastesh sportive.

Celularët e këtyre shtetasve, që i shërbenin kësaj paligjshmërie, u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA





Lajmet e fundit nga