Netflix ‘në krizë’/ Shkurton 150 punonjës në SHBA

19 Maj 2022, 15:57, Tech CNA
Netflix ‘në krizë’/ Shkurton 150 punonjës në

Netflix ka shkarkuar 150 punonjës nga puna në zyrat me bazë në Shtetet e Bashkuara të Amerikës.

Shkak i shkurtimit të numrit të punonjësve është bërë rënia e të ardhurave të gjigandit të transmetimit

BBC raporton se ky veprim vjen një muaj pasi Netflix tha se po humbiste abonentë për herë të parë në një dekadë.

?Këto ndryshime janë të nxitura kryesisht nga nevojat e biznesit dhe jo nga performanca individuale, gjë që i bën largimin veçanërisht të vështirë pasi askush prej nesh nuk dëshiron t’u thotë lamtumirë kolegëve kaq të mëdhenj,? tha kompania në një deklaratë.

Sipas njoftimit, shkurtimi i stafit do të prekë kryesisht zyrën e tij në Kaliforni, e cila përbëhet nga rreth 2% të fuqisë punëtore të saj në Amerikën e Veriut.

Shërbimi i transmetimit po lufton me një eksod shikuesish këtë vit. Në prill, gjigandi i transmetimit tronditi industrinë kur tha se kishte humbur 200,000 abonentë në tre muajt e parë të 2022-shit dhe paralajmëroi se dy milionë të tjerë pritej të largoheshin në tremujorin e ardhshëm.

Lajmi shkaktoi shitjen e aksioneve nga investitorët, ndërsa stoku ra 35% brenda një dite. Tani rënia kap nivelin e 46%-shit.

Ndërsa Netflix ka 220 milionë abonentë globalisht dhe mbetet lider i qartë i tregut, ai është përballur me konkurrencë të ashpër vitet e fundit me ardhjen e platformave konkurrente si Disney Plus, HBO dhe Prime Video të Amazon.

Në raportin e saj të të ardhurave muajin e kaluar, kompania tha gjithashtu se lufta në Ukrainë dhe vendimi për të rritur çmimet e saj në SHBA, i kishin kushtuar humbje abonentësh./ CNA.al

Lajmet e fundit nga