LEXO PA REKLAMA!

SHKARKO APP

Google Maps sfidon modalitetin 3D të Apple/ Aplikacioni që iu ndihmon të eksploroni virtualisht lagjet

15 Maj 2022, 12:55, Tech CNA
Google Maps sfidon modalitetin 3D të Apple/ Aplikacioni që iu ndihmon

Nëse po planifikoni ndonjë pushim, funksioni më i fundit i Google Maps  do t’iu sigurojë që destinacioni të kalojë kontrollin ‘vibe’ së pari.

Aplikacioni ka lançuar një opsion të ri, që kombinon pamjen e rrugëve dhe imazhet ajrore për t’ju lejuar të eksploroni virtualisht lagjet. Ky funksion është shumë i ngjashëm me modalitetin 3D të Apple Maps, i cili u lançua vitin e kaluar.

Opsioni i ri u njoftua në konferencën I/O të Google këtë javë.

Përdoruesit mund të eksplorojnë virtualisht qytetet nga lart, përpara se të prekin rrugë ose ndërtesa specifike për të zbritur në nivelin e rrugës.

Aplikacioni gjithashtu mbivendos informacione të dobishme në krye, me opsionin për të ndryshuar orën për të parë se si duket zona në kohë të ndryshme të ditës dhe në kushte të ndryshme moti. Pamja gjithëpërfshirëse do të fillojë të shpërndahet në Los Anxhelos, Londër, Nju Jork, San Francisko dhe Tokio së shpejti.

Aplikacioni i ri është shumë i ngjashëm me Hartat 3D të Apple, të cilat u zbuluan në shtator të vitit të kaluar./ CNA.al

Lajmet e fundit nga