web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Ukrainë po e prek gjithnjë e më shumë të gjithë Perëndimin

15 Prill 2022, 14:40, Blog CNA

Nga Pierre Haski ?Internazionale

Në Ukrainë po ndodh një përshkallëzim të dyfishtë i situatës. Nga njëra anë, është ajo që po shohim prej disa ditësh, me krimet e luftës të kryera kundër civilëve në rrethinat e Kievit, gjatë rrethimit të Mariupolit, apo me bombardimin e qindra civilëve që po prisnin në stacionin e trenit në Kramatorsk.

Ky proces rrezikon të përkeqësohet me ofensivën e paralajmëruar të forcave ruse në rajonin e Donbasit. Pastaj është edhe përballja politiko-ushtarake, e cila po e shndërron këtë luftë në një konfrontim midis një blloku perëndimor të rindërtuar dhe Rusisë, qëllimi i së cilës është ta ndryshojë rendin ndërkombëtar përmes modifikimit të balancës së fuqisë, që u shfaq në fundin e Luftës së Ftohtë 30 vite më parë.

Nga të dyja palët, pa arritur në konfrontimin e drejtpërdrejtë që askush nuk do ta dëshironte ndonjëherë, konflikti po shndërrohet në një betejë për pushtet që shkon përtej fatit të Donbasit dhe madje edhe të Ukrainës. Hezitimet fillestare, i kanë lënë vendin angazhimeve të drejtpërdrejta, me rrezikun e mos-kontrollit në ndonjë moment të evolucionit të situatës.

Armët dhe premtimet politike

Shenjat e përshkallëzimit të situatës janë të shumta. Në frontin perëndimor, po zhduket me shpejtësi hezitimi fillestar mbi mundësinë e furnizimit të Ukrainës me armë të rënda. Më 9 prill, kryeministri britanik Boris Xhonson vizitoi Kievin, ku premtoi t?i japë Ukrainës armë që më parë ishin tabu, duke filluar nga raketat kundër anijeve, të cilat do të përdoren për të mbrojtur portin e Odesës.

Sllovakia, një vend anëtar i NATO-s e ka furnizuar Ukrainën me sistemin e saj raketor S-300 të prodhuar nga Rusia, ndërsa Shtetet e Bashkuara kanë dërguar bateritë e raketave Patriot. Arsyeja për këtë transferim, është vështirësia për t?i trajnuar ukrainasit në përdorimin e armëve të reja në mesin e luftës. Sistemet S-300, nuk janë zona e ndalim-fluturimit e kërkuar me ngulm nga Kievi, por të paktën e përforcojnë aftësinë mbrojtëse të Ukrainës.

Në Uashington, Paris apo Bruksel nuk flitet për një ?luftë? kundër Rusisë, por atmosfera në Kremlin është ndryshe

Në rrafshin politik, angazhimi i Perëndimit është rritur ndjeshëm me vizitën në Kiev pak ditë para asaj të kryeministrit britanik Boris Xhonson, të presidentes së Komisionit Evropian Ursula Von Der Lejen dhe kreut të diplomacisë evropiane Josep Borrel.

Të dy liderët njoftuan një shqyrtim të përshpejtuar të kandidaturës së Ukrainës për anëtarësimin në Bashkimin Evropian, pasi kërkesa e parë e presidentit Volodimir Zelenski u prit me një heshtje të turpshme.

Në frontin rus, Vladimir Putin u përpoq fillimisht që t?i përçante perëndimorët përmes kërcënimit me armët bërthamore, por nuk funksionoi. Dërgesat e mëdha të armëve perëndimore në Ukrainë, ndihmuan në dështimin e manovrës së ushtrisë ruse rreth Kievit.

Në çdo rast, Moska nuk ka ndërmend të tërhiqet. Në Uashington, Paris apo Bruksel nuk flitet për ?luftë? kundër Rusisë, por në Kremlin atmosfera është ndryshe. Një nga zërat më autoritativë të regjimit rus, Sergej Karaganov, ish-këshilltar i Kremlinit, dhe një nga ithtarët e ?doktrinës Putin? për pakicat rusisht-folëse që jetojnë në kufirin me Rusinë, ka dhënë së fundmi një intervistë për gazetën italiane ?Il  Corriere della Sera?.

Ndër të tjera ai thotë:?Ne jemi në luftë me Perëndimin. Por rendi evropian i sigurisë është i paligjshëm!?. Karaganov ka kërcënuar se Rusia do të sulmojë vendet e NATO-s, nëse ato vazhdojnë që ta furnizojnë me armë Ukrainën.

Perëndimorët nuk kanë ndërmend të hyjnë në një luftë kundër Rusisë. Në fakt ata janë tashmë në një luftë kundër Moskës, të paktën indirekt. Vladimir Putin ka lëshuar sfidën, dhe e ka tërhequr të gjithë shoqërinë ruse në një betejë kundër armikut perëndimor, duke shkaktuar një përshkallëzim që po duket gjithnjë e më pak i kontrollueshëm./ Përshtatur nga CNA.al





Lajmet e fundit nga