Stacioni radiofonik plot ngjyra rinore dhe muzikë për të gjithë brezat/ Radio SOL, shoqëruesi juaj besnik në çdo hap

15 Janar 2022, 11:50, Aktualitet CNA
Stacioni radiofonik plot ngjyra rinore dhe muzikë për të

Radio SOL, është stacioni radiofonik, i cili është krijuar për të qenë një shoqërues besnik, në çdo hap për të gjithë shqiptarët e apasionuar pas muzikës së mirë.

Radio SOL është krijuar në vitin 2020, dhe prej dy vitesh ka sjellë pranë jush trendin më të ri, në interes të audiencës.

Sot ky stacion është bërë më i madh, dhe numëron shumë dëgjues. E gjitha kjo falë punës së përkushtuar të stafit, për të sjellë muzikë të mirë, artistët më në zë të momentit, albumet e fundit të lançuara nga artistë shqiptarë e ndërkombetarë, informacion të pasur, të shkurtër, tinguj ritmik si dhe programe të veçanta plot risi.

Transmetimet në 89.0 fm, gjithmonë të përcjella me shumë kujdes nëpërmjet një teknologjie të fjalës së fundit. Një vend rinor, plot ngjyra për këdo që punon palodhur, i organizuar me disa hapësira të bollshme që të japin energji të mirë e pozitive.

Një investim gjigand në shumë pak kohë, ku mund të thuhet se nuk mungon asgjë. Radio SOL ka një qëllim që çdo ditë arrin ta përmbushë me hapësirat që vendos në dispozicion për dëgjuesit e saj.

Albumet e reja të artistëve të cilat gjithmonë janë në fokus përzgjidhen me kujdes dhe transmetohen për të qenë sa më pranë rinisë së sotme. Kësaj rinie që çdo ditë e më shumë është nën ndikimin e teknologjisë duke vënë në konkurencë internetin me radion apo televizionin.

Playlist-a e radios sonë përfshin çdo ditë e më shumë muzikë të ndryshme. Këngë të para viteve 2000, rryma të reja, e këngë që kanë frymëzuar një brez të tërë, janë vetëm disa nga kategoritë që SOL ka në vëmendje. Gjithashtu programet e realizuara deri më sot janë programe të cilat kanë gjetur audiencë për të marrë afirmime si: rinore, argëtuese, të pëlqyera e të orientuara gjithmonë drejt botës perëndimore. Informacioni po ashtu është një shtyllë e rëndësishme e radios.

Fillimisht tre herë në ditë e tanimë plot 4 herë, edicioni i lajmeve sjell gjithmonë lajmet e fundit nga vendi, rajoni e bota, pa thrillim apo ndikim të jashtëm.

Ky shkrim sigurisht që nuk mjafton për të kuptuar Radio SOL. Të duhet vetëm të kërkosh në ëeb ose në kasetofonin tënd 89.0 dhe çdo udhëtim, ecje, stërvitje, xhiro në park në një natë vere, do shijohej më shumë falë tingujve fantastikë.

Radio SOL, ende shumë rrugë për të bërë bashkë, gjithmonë me qëllimin për të iu argëtuar./ CNA.al

Lajmet e fundit nga