Mbushi bagazhin me kanabis/ I riu nga Tirana kapet në Francë, dënohet me burg dhe gjobitet

12 Janar 2022, 20:06, Kronika CNA
Mbushi bagazhin me kanabis/ I riu nga Tirana kapet në Francë,

Një 34-vjeçar shqiptar i identifikuar si A.H,  është dënuar nga gjykata franceze pasi u kap me lëndë narkotike. Ai u akuzua për transport të 17 kg kanabis, dhe për këtë është dënuar me 8 muaj burg dhe ndalimin e hyrjes në territorin francez për 10 vitet e ardhshme.

Gjithashtu 34 vjeçari do të paguajë një gjobë prej 28 mijë eurosh, një shumë më e vogël kjo se ajo që kishte kërkuar prokurori, 85 mijë euro në total.

Ai u kap nga policia të hënën e kaluar në autostradën A1. Pas kontrollit në automjetin e tij, efektivët gjetën në bagazhin e automjetit 25 pako me kanabis.

34-vjeçari u tha policëve se kishte ardhur nga Spanja, ku dy persona e kishin punësuar për transportimin e mallit në Belgjikë. Ai tha para policisë se për këtë ?punë? ai do të paguhej 2500 euro./ CNA.al

Lajmet e fundit nga