E KRYER/ Dinamo gjen fantazist në Brazil, 24 vjeçari firmos me blutë

12 Janar 2022, 19:06, Sport CNA
E KRYER/ Dinamo gjen fantazist në Brazil, 24 vjeçari firmos me

Dinamo pritet të prezantojë Jose Denisson Silva dos Santos. Fantazist ka zgjidhur gjithçka me Drenicën në Kosovë, duke dalë lojtar i lirë. 24 vjeçari ka mbërritur në kryeqytet dhe ka hedhur firmën te Dinamo, me palët që kishin gjetur akordin ditë më parë, teksa pengesë për këtë lëvizje ishte bërë klubi i Superligës së Kosovës.

Mësohet se Drenica nuk i jepte lejen e kalimit lojtarit, ndërsa ky i fundit e ka paditur klubin për pagat e padhëna. Duket se ky fakt ka stepur drenicakët, duke e lënë të lirë lojtarin. Tanimë për Dinamon shtohet një tjetër fantazist, me Shkëmbin që ka një alternativë më shumë në fazën e avancuar.

Dennison më parë ka luajtur me Itabiana në Brazil, ndërsa përpara se të kalonte te Drenica në janarin e 2019, ka qenë pjesë e Bragës B në Portugali. Në dy sezone me Drenicën, braziliani ka qenë ndër lojtarët më të mirë në Kosovë.

Lajmet e fundit nga