Finalja e Big Brother VIP u shty deri në 18 shkurt/ Kush janë dy konkurrentet që pranuan vazhdimin e garës

4 Janar 2022, 20:50, Lifestyle CNA
Finalja e Big Brother VIP u shty deri në 18 shkurt/ Kush janë dy

Në spektaklin e kaluar, banorëve të Big Brother Vip iu komunikua se finalja e madhe do të shtyhet me gati një muaj më shumë dhe do të mbahet në datën 18 shkurt.

Banorëve u është dhënë kohë për tu menduar, si dhe u janë shfaqur gjatë këtyre ditëve klipe nga  familjarët e tyre me arsyetimin për të vazhduar garën.

E para që ka pranuar të vazhduar garën është Monika Lubonja, aktorja e njohur çapkëne.

Ajo shtypi pulsantin jeshil si dhe dha dy arsye pse do e vazhdojë garën deri në fund.

?Nëse unë arrij të fitoj këtë çmim, gjysmat do shkojnë për fëmijët  me sëmundje të rënda dhe gjysma tjetër do shkojë për fondacionin Dritan Hoxha?, tha Monika.

Ndërsa moderatorja Einxhëll Shkira tha se për shkak të natyrës së saj që ka, do e vazhdoj lojën deri në 18 shkurt, kur edhe është parashikuar finalja, nëse ajo do të arrij të shkojë.

?Që kur kam hyrë kam thënë që jam natyrë e vendosur dhe arrij diçka. Nga kjo eksperiencë kam fituar shumë gjëra, dhe jam ngopur në shumë mënyra. Dua ta fitoj për një arsye më të madhe sesa vetja dhe natyrisht që do e vazhdoj?, tha Einxhëll./CNA.al

Lajmet e fundit nga