web counter
LEXO PA REKLAMA!

SHKARKO APP

App Store
Google Play

E fundit!

x

Patronazhistët dhe abuzimi me fondet publike/ ISP jep alarmin

22 Nëntor 2021, 13:08, Aktualitet CNA

Instituti i Studimeve Politike në raportin e publikuar  ka zbuluar disa nga faktorët që sipas qytetarëve shqiptarë dhe shoqërinë civile kanë ndikuar pozitivisht apo negativisht në zgjedhjet parlamentare të këtij viti.

Në raportin e ISP thuhet se rol pozitiv për qytetarët ka pasur KQZ, media, ambasadorët perëndimorë qeveria dhe SPAK, ndërsa për ekspertët dhe shoqërinë civile rol pozitiv kanë pasur ambasadorët perëndimorë, media, KQZ, vetë shoqëria civile dhe ODIHR.

Sipas qytetarëve me rol negativ vlerësohet SPAK dhe KLSH, ndërsa ekspertët dhe shoqëria civile sheh si të tillë partitë politike dhe vetë qeverinë.

?Secila palë vlerëson negativisht përdorimin e komitetit të COVID për qëllime politike dhe elektorale, vlerësimi më negativ që kjo strukturë ka marrë në nivel evropian (ku ka pasur zgjedhje gjatë 2021), si dhe vlerësojnë negativisht përbormin e burimeve shtetërore e financiare (DAP dhe KLSH), apo rolin e Presidentit dhe mungesën e reagimit ligjor nga Prokuroria, ndërkohë që vlerësojnë pozitivisht ambasadorët perëndimore dhe vetë median, për raportimet gjatë fushatës elektorale?, thuhet në raport.

Kritikat nuk kursehen as ndaj SPAK, strukturë e cila thuhet se mbeti larg pritshmërive për hetime mbi skandalin e patronazhistëve, për përdorimin e burimeve shtetërore në fushatë apo për praktika abuzive me fondet publike.

?Institucione të tjera të lidhura me zgjedhjet, si SPAK dhe Prokuroria, me gjithë fushatën paralajmëruese dhe deklarimet për hetime, në tërësi mbeten larg pritshmërive që garantojnë parimin, ?të gjithë të barabartë përpara ligjit? dhe ?çdo shkelje/shkelës i Kodit Zgjedhor do të përballet me ligjin?.

Numri i rasteve të hetuara dhe të proceduara është shumë më i vogël, sesa numri i rasteve të denoncuara dhe me ndikim në procesin zgjedhor. KQZ dhe as organet e drejtësisë nuk arritën t?i japin përgjigje zyrtare hetimeve mbi skandalin e patronazhistëve, për përdorimin e burimeve shtetërore në fushatë apo për praktika abuzive me fondet publike. 

Po ashtu, sistemi i hershëm i verifikimit të kandidatëve nuk rezultoi efektiv në periudhën përpara votimit, kjo edhe për shkak të mungesës së vullnetit praktik të partive politike për jetësimin e tij?, thuhet në raportin e ISP./CNA.al

 





Lajmet e fundit nga