LEXO PA REKLAMA!

SHKARKO APP

E fundit!

x

Naftëtarët e Ballshit ngrihen sërish në protesta/ Nuk lejojmë demontimin e uzinës

22 Nëntor 2021, 10:14, Aktualitet CNA
Naftëtarët e Ballshit ngrihen sërish në protesta/ Nuk

Naftëtarët e uzinës së Ballshit janë ngritur sërish në protesta, pas informacioneve të marra se uzina do të shitet për skrap.

Kreu i Sindikatës së Naftëtarëve, Sokol Dautaj shprehet në emër të protestuesve se nuk do ta lejojë një gjë të tillë dhe se nëse tentohet të nxirren objekte nga rafineria, naftëtarët do të marrin në mbrojtje uzinën, duke kërkuar që t’u shlyhen pagat e prapambetura.

“Është ndërtuar me gjakun e naftëtarëve. Sot jemi përballë një fakti që këta frikacakë që vijnë natën dhe sjellin kontejnerë këtu, nuk vijnë për të zbardhur marrëveshjen që kanë bërë për ta çuar atë për skrap. 

Duhet me vendim falimenti që të shpallet falimenti, këta marrin vendime natën.Le të thonë që kjo rafineri nuk do t ë ketë të ardhme dhe ta mbyllin, por konfrom të gjithë rregullave. 

Nuk ka për të patur palë këtu pa qenë naftëtarët në tryezë për të marrë gjakun dhe djersën e tyre. Këto ditë kanë hequr edhe dy pompa se kur u leverdis vijnë këtu dhe e konsiderojnë pronë të tyre. 

Nëse këtu fillon të dalë malli pa inventarë dhe pa njoftuar, kjo uzinë do të kalojë nën mbrojtjen e naftëtarëve, ta dinë mirë të gjithë.

Vendimi i falimentimit të ‘Armos’ duhet të bëhet publik. Me këtë marrëveshje që duan të bëjnë këta, naftëtarët nuk i marrin më lekët e prapambetura. Të reagojnë hapur se çfarë po ndodh me fatin e Armos”, tha Dautaj./CNA.al

Lajmet e fundit nga