LEXO PA REKLAMA!

SHKARKO APP

E fundit!

x

Arrestohen dy të rinj në Gjirokastër/ Policia jep detajet

28 Tetor 2021, 14:42, Aktualitet CNA
Arrestohen dy të rinj në Gjirokastër/ Policia jep detajet

Dy persona kanë rënë në prangat e policisë në Gjirokastër, pasi tentuan të kalomin emigrantë të paligjshëm jashtë territorit shqiptar.

Po ashtu uniformat blu kanë sekuestruar edhe një automjet dhe dy aparate celular.

Nga specialistët e Seksionit për Trafiqet e Paligjshme në DVP Gjirokastër, pas informacioneve të siguruara në rrugë operative u arrestuan në flagrancë shtetasit K. R, 20 vjeç, banues në Tiranë dhe K. B., 22  vjeç, banues në Dibër.

Shtetasit K. R. dhe K. B., u kapën në vendin e quajtur “Ura e Lumit”, Gjirokastër,  duke transportuar me automjetin tip “Ford” tre emigrantë të paligjshëm nga vendet e treta, në drejtim të Tiranës, kundrejt fitimit.

Në cilësinë e provës materiale u sekuestruan një automjet dhe dy aparate celular.

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme./CNA.al

Lajmet e fundit nga