web counter
LEXO PA REKLAMA!

SHKARKO APP

App Store
Google Play

E fundit!

x

Çela-Kraja lënë Shqipërinë/ Krerët e drejtësisë “fluturojnë” drejt Holandës

28 Tetor 2021, 07:01, Aktualitet CNA

Prokurori i  Përgjithshëm Olsian Çela, i shoqëruar nga kreu i SPAK, Arben Kraja, kanë udhëtuar drejt Holandës.

Për dy ditë radhazi, Çela dhe Kraja do të jenë në Holandë me rastin e çeljes së zyrës të Prokurorit të parë Ndërlidhës të Shqipërisë pranë Eurojust.

Sipas një njoftimi të organit të akuzës, Prokurori i Përgjithshëm do të zhvillojë takime me drejtues të sistemit të Prokurorisë në Hollandë dhe Eurojust.

Kontakti i Eurojust në Shqipëri është prokurorja Fatjona Memçaj.

Fatjona Memcaj ka nisur  punën në fillim të këtij viti si Prokurorja e parë Ndërlidhëse (PN) për Shqipërinë në Eurojust. Roli i saj i ri në Agjencinë e Bashkëpunimit për Drejtësinë Penale të Bashkimit Evropian është rezultati i drejtpërdrejtë i Marrëveshjes së Bashkëpunimit midis Eurojust-it dhe Shqipërisë, e cila hyri në fuqi në nëntor 2019. Shqipëria është vendi i 10-të joanëtar i BE-së që ka një Prokuror Ndërlidhës në Eurojust.

Eurojust-i, njësia për bashkëpunimin gjyqësor të Bashkimit Evropian, është krijuar bazuar në Vendimin e Këshillit, datë 28 shkurt 2002.

Eurojust-i ka një marrëveshje bashkëpunimi me Europol-in, të nënshkruar fillimisht më 9 qershor 2004 dhe të rishikuar më 1 tetor 2009.

Eurojust-i ka po ashtu një marrëveshje praktike për organizimet për bashkëpunim me OLAFin, Zyrën Evropiane Kundër Mashtrimit. Kjo marrëveshje është firmosur më 24 shtator 2008.

Aktualisht Eurojust-i ka po ashtu marrëveshje me Norvegjinë (2005), Islandën (2005), Shtetet e Bashkuara të Amerikës (2006), Republikën e Kroacisë (2007), Zvicrën dhe Ish Republikën Jugosllave të Maqedonisë (të dyja të nënshkruara në vitin 2008).

Eurojust-i ka disa Memorandume Mirëkuptimi, të cilat nuk përfshijnë shkëmbimin e të dhënave personale. Memorandume ka aktualisht dhe me Rrjetin Evropian të Trajnimit Gjyqësor (2008), Rrjetin Ibero-amerikan të Bashkëpunimit Ndërkombëtar Ligjor (Iber-RED) (2009), CEPOL-in (2009) dhe Zyrën e Kombeve të Bashkuara për Drogën dhe Krimin (UNODC) (2010)./CNA.al





Lajmet e fundit nga