E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Faktet/ Kush gënjen Luli Basha apo SHBA dhe Evi Kokalari?

30 Shtator 2021, 07:41, Politikë CNA

Nga Elvi FUNDO

Një debat i zjarrtë është rindezur nga dita e djeshme ku aktivistja Evi Kokalari, një mbështetëse e Republikanëve në SHBA, ka rikthyer akuzat se Lulzim Basha, loboi 750 mijë dollarë në mënyrë të paqartë me burime offshore me pronarë rusë në SHBA.

Reagimi i Lulzim Bashës ishte i menjëhershëm, sulmi ndaj Kokalarit ishte frontal duke e atashuar atë me Edi Ramën dhe Taulant Ballën. Diçka i dogji Lulit nga e gjithë akuza duke thënë se do padiste për shpifje një qytetare amerikane.

Së pari akuzën e zonjës Evi Kokalari, ku ka një pasaktësi. Shuma e financuar për lobim është 1.025.000 usd dhe jo 750 mijë. Sipas dokumenteve zyrtare të publikuara nga fara.gov që është faqja zyrtare e Departamentit Amerikan të Drejtësisë, ku kompanitë e lobimit bëjnë deklarimet periodike.

Së dyti, kompania e Lulzim Bashës është një nga më autoritaret ne SHBA, ajo drejtohet nga Nick Muzin, i cili në departamentin e drejtësisë ka korrigjuar deklarimet e tij në lidhje me lobimin e PD që mban firmën e Lulzim Bashës. Dokumentin mund ta gjeni në këtë link.(Lexo këtu)

Së treti dokumenti që shikoni më poshtë është prova që tregon qartë se 7 shumëzim për 7 nuk bëjnë 42, por 500 mijë usd plus tre këste nga 150 mijë plus 75 mijë usd paguar nga PD ,janë plot 1.025.000 usd paguar nga PD dhe Lulzim Basha për lobim në SHBA, nëpërmjet kompanisë Biniata Trade, e cila del në një skemë të qartë se ka drejtues rusë.

Pagesat janë bërë gjatë marsit të vitit 2017 dhe dokumenti tregon qartazi çfarë ka ndodhur. Pra janë dokumentet e Departamentit të Drejtësisë që akuzojnë Lulzim Bashën ndërsa deklarimi i Evi Kokalarit ka një gabim, ajo e ka ulur vlerën me gati 275 mijë usd. Dokumentet nga SHBA flasin për 1.025.000 usd. (Lexo këtu)

Akuzat ndaj Bashës

Lulzim Basha në deklaratën e tij të djeshme si reagim ndaj Kokalarit thekson dy pika ?Autoritetet përgjegjëse me kërkesë të vetë Partisë Demokratike hetuan për 2 vite lidhur me shpifjen e Edi Ramës dhe Taulant Ballës, duke provuar në mënyrë ligjore dhe përfundimtare se ato ishin vetëm shpifje?.

Pra autoritetet përgjegjëse e kanë hetuar me kërkesën e Bashës dhe këto akuza të rreme i ka bërë Rama dhe Balla. Ti shohim sipas radhës edhe faktet në lidhje më këto pika.

Së pari nga një kërkim i thjeshtë rezulton se Edi Rama nuk ka bërë asnjë deklaratë kundër Lulzim Bashës në lidhje me çështjen e lobimit me para të dyshimta nga offshore me pronarë rusë në SHBA. Ka zero deklarime. Pra Basha gënjen në deklaratën e tij.

Së dyti i vetmi që ka folur ka qenë Taulant Balla i cili në fakt ka fituar edhe një gjyq për shpifje me Lulzim Bashën, ky i fundit është dënuar me gjobë 50 mijë lekë.

Deklarimet e Ballës janë disa ditë pasi skandali është publikuar në mediat amerikane, ku së pari është raportuar në Mother Jones, më pas Zëri i Amerikës dhe CNA.al që ka shkuar më tej në investigim.

Ku Taulant Balla e ku Zeri Amerikës apo Mother Jones.

Së treti Basha thekson se është hetuar nga autoritetet përgjegjëse. Fakti është se hetimi nuk është kryer i plotë, është kërkuar mbyllja e çështjes me procedurë. Nik Muzin nuk është pyetur kurrë nga autoritetet shqiptare dhe prokuroria nuk ka marrë asnjë informacion zyrtar nga Departamenti Amerikan i Drejtësisë megjithëse dokumentet janë të publikuara në faqen e saj zyrtare fara.gov.

Së katërti, pra e gjithë deklarata e PD dje është një trill dhe shpifjet apo gënjeshtrat i bën në mënyrë mjeshtërore Lulzim Basha.

Akuza e zonjës Kokalari ekziston sipas Departamentit Amerikan të Drejtësisë.

Hetim i plotë në Shqipëri nuk është kryer, por është tentuar të mbyllet me procedurë, Edi Rama s?ka thënë asnjë fjalë për këtë çështje, atëherë lind pyetja, çfarë halli ka Luli që do padisë për shpifje një qytetare amerikane në Tiranë? Me kë po tallet me demokratët?

E gjithë deklarata e PD, dje është një trill dhe faktet flasin vetë dhe tashmë jemi përballë tyre në mënyrë të pakundërshtueshme.

Kush gënjen Luli Basha apo Departamenti Amerikan i Drejtësisë dhe aktivistja Kokalari?/CNA.al

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Luli shkoi në Edinburg për paratë e Binniata-s?/ Gjurmët që thellojnë akuzat ndaj Bashës

Faktet/ “Rastësitë” e Lulzim Bashës me rusët

Shënim/ Skandalet me lobimet dhe pse Basha nuk shkon dot në SHBA?

Rusët pas ?Biniatta Trade??/ Revista amerikane zbulon ?lojën? e PD

Pagoi 650 mijë dollarë për lobim në SHBA/ Basha dogji mandatet nga frika e arrestimit

DASH fundos Bashën/ Çfarë dorëzuan amerikanët në prokurori për lobimet

Skandali i lobimeve në SHBA/ Publikohen dokumentet që ?fundosin? Bashën

A ka fshehur Lulzim Basha bashkëpunimin me njeriun e kërkuar nga FBI?

Gazetari sfidon Kokalarin: Basha loboi mbi 1 milon dollarë