LEXO PA REKLAMA!

SHKARKO APP

Një dyqan dhe një apartament/ Pasuritë që po çojnë drejt burgut ish-gjyqtarët Bashkim Dedja dhe Fatos Lulo

3 Gusht 2021, 11:44, Vetingu CNA
Një dyqan dhe një apartament/ Pasuritë që po

Gjyqtarët dhe prokurorët që kanë fshehur pasurinë, jo vetëm do të shkarkohen nga Vettingu, por do të hetohen edhe nga Struktura e Posaçme Antikorrupsion.

Sinjalet janë dhënë nga SPAK-u me nisjen e hetimeve për ish-anëtarë të Gjykatës së Lartë dhe Gjykatës Kushtetuese.

Fillimisht SPAK-u procedoi me sekuestrimin e pasurisë së dyshuar si e paligjshme dhe më pas vijoi hetimet për të dërguar dosjet në Gjykatë.

Sot është njoftuar se në Gjykatën e Posaçme Kundër Korrupsionit, kanë përfunduar ish-Kryetari i Gjykatës Kushtetuese Bashkim Dedja dhe ish-anëtari i Gjykatës Kushtetuese, Fatos Lulo.

SPAK i akuzon dy ish- gjyqtarët për veprën penale të ?Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim? të parashikuar nga neni 257/a/2 të Kodit Penal.

Nga hetimi penal i kryer nga SPAK kanë rezultuar të dhëna që këta subjekte kishin në pronësi pasuri të paluajtshme, të cilat nuk i justifikonin me burime të ligjshme, apo pasuri që i kanë fshehur.

Për këtë arsye, Prokuroria e Posaçme Kundër Korrupsionit dhe Krimit të Organizuar, ka paraqitur më herët në Gjykatën e Posaçme të Shkallës së Parë për Korrupsionin dhe Krimin e Organizuar, kërkesat përkatëse për sekuestrimin e pasurive në zotërim/pronësi të këtyre tre subjekteve.

Ish-gjyqtarit Fatos Lulo, i është sekuestruar pasuria në me sipërfaqe 172 m2, e llojit Njësi/Dyqan, e ndodhur në rrugën e Durrësit, Tiranë.

Ndërsa ish-kreut të Gjykatës Kushtetuese i është sekuestruar një apartament, me sipërfaqe 60 m2, e ndodhur në zonën Kryemedhenj, Njësia Administrative Golem Kavajë.

Fatos Lulo është gjyqtari i parë i shkarkuar nga procesi i vetingut për probleme në kriterin e pasurisë.

Ndërkohë, ish-kryetari i Gjykatës Kushtetuese, Bashkim Dedja e kaloi shkallën e parë të Vetingut, por u rrëzua nga një vendim i Kolegjit të Posaçëm i Apelimit. KPA e lidhi Dedjen përmes një kontrate me OSHE me apartamentin në Golem, që pretendohej se ishte i vëllait.

Tashmë këmbanat bien për prokurorë dhe gjyqtarë të tjera, që janë shkarkuar për shkak të mos justifikimit të pasurive në vlera më të mëdha se sa Dedja dhe Lulo./CNA.al

Lajmet e fundit nga