web counter
LEXO PA REKLAMA!

SHKARKO APP

App Store
Google Play

Kërkohet “koka” e ish kreut të Krimeve të Rënda/ KPA shtyn seancën për Besim Hajdarmatajn

29 Korrik 2021, 07:26, Vetingu CNA

Ish kreu i Prokurorisë për Krime të Rënda, Besim Hajdarmata po përballet me shkallën e dytë të Vettingut, në Kolegjin e Posaçëm të Apelimit.

Sot Komisioni i Pavarur i Apelimit i përbërë nga kryesuesja Rezarta Schuetz relator Ardian Hajdari dhe anëtarë Albana Shtylla, Ina Rama dhe Sokol Çomo, kanë vendosur të shtyjnë seancën për Hajdarmatajn me datë 3 Gusht.

KPA pretendon se, shtyrja e seancës është bërë me qëllim vijimin e hetimit, pasi është kërkuar dokumentacioni shtesë nga Komisioni i Pavarur i Kualifikimit.

Besim Hajdarmartaj është konfirmuar në detyrë nga Komisioni i Pavarur i Kualifikimit me trupë gjykuese Brunilda Bekteshin, me relatore Suela Zhegun dhe anëtarë Roland Ilian, pasi nuk gjetën probleme në asnjë nga tri kriteret e vlerësimit.

Nga ana tjetër është ONM që kërkon shkarkimin e tij, ndërkohë që Hajdarmartaj, ka hedhur poshtë me fakte të gjitha pretendimet e ONM, ndërsa një seancë më herët i ka bërë “dush të ftoftë”, Theo Jacobs-it.

Hajdarmataj e ka filluar karrierën në sistemin e drejtësisë në vitin 1999 dhe përgjatë 20 viteve, ai ka mbajtur poste drejtuese në Prokurorinë e Tropojës, të Kurbinit dhe Durrësit. Në maj 2015, ai u emërua prokuror në Prokurorinë e Krimeve të Rënda dhe një vit më vonë mori drejtimin e kësaj prokurorie./CNA.al





Lajmet e fundit nga