web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimi i motit/ Ministria e Mbrojtjes: Jemi aktivizuar në gjendjen e gatishmërisë

16 Korrik 2021, 15:05, Aktualitet CNA

Ministria e Mbrojtjes ka dalë me një njoftim nisur nga paniku që është krijuar për situatën e motit në Europë.

Ministria bën të ditur se nga informacionet e marra nga Instituti i Gjeoshkencave Energjisë Ujit dhe Mjedisit, në 5 ditët në vijim vendi ynë do të përfshihet nga mot me reshje lokale që mund të jenë në vërshime të shkurtra dhe shkarkesa elektrike kryesisht në zonat malore.

Sipas Ministrisë, situata që pritet në vendin tonë është normale dhe nuk ka ngjashmëri me situatën katastrofike e cila kaloi në vendet e Europës.

?Duke vlerësuar situatën e ndodhur në Evropën Juglindore dhe informacionet e mara mbi ndikimin që mund të kenë kushtet e motit edhe në vendet e tjera pranë, Instituti i Gjeoshkencave Energjisë Ujit dhe Mjedisit njofton se gjatë 5 ditëve të ardhshme në Shqipëri parashikohet një mot me reshje lokale që mund të jenë me vërshime uji të shkurtra dhe shkarkesa elektrike kryesisht në zonat malore.

Theksojmë se situata që pritet në vendin tonë është normale për tipin e reshjeve me shtrëngata në stinën e nxehtë dhe nuk ka ngjashmëri me situatën katastrofike e cila kaloi në vendet e Europës.
Për menaxhimin sa më të mirë të çdo situate të mundshme emergjente që mund të vijë si pasojë e kushteve jo te favorshme të motit, Ministria e Mbrojtjes dhe Agjencia Kombëtare e Mbrojtjes Civile do të bashkërendojë dhe koordinojë të gjitha fazat për përballimin e emergjencave civile.

Janë aktivizuar në gjendjen e gatishmërisë të gjitha strukturat dhe kapacitetet e emergjencave civile, në nivel qëndror dhe vendor për zbatimin e planeve në rastet e përmbytjeve.
Kujtojmë edhe njëherë që në vendin tonë kushtet e motit të parashikuara gjatë javës nuk do të kenë pasoja negative të përmasave madhore?, thuhet në njoftimin e Ministrisë./CNA.al





Lajmet e fundit nga