web counter
LEXO PA REKLAMA!

SHKARKO APP

App Store
Google Play

E fundit!

x

2021 viti i duhur për Shkëndijën për të kapur grupet, aventura në Champions nis këtë të martë

5 Korrik 2021, 10:35, Sport CNA

2021 konsiderohet si viti i duhur për Shkëndijën e Tetovës për t?u kualifikuar në fazën e grupeve të një kompeticioni të rëndësishëm europian. Pas tre tentativave të dështuara ku kuqezinjtë tetovarë u eliminuan në 3 raste në fazën play-off të Europa League nga kundërshtarë me emër të madh si Gent, Milan dhe Rosenborg  ndërsa një vit më parë u nxorrën jashtë nga Tottenham në turin e tretë, ky ndoshta është sezoni i duhur për të bërë kapërcimin e madh. Këtë të martë në Shkup skuadra e Ernest Gjokës do të nisë aventurën e saj europiane me sfidën e vajtjes të raundit të parë të Champions League ndaj kampionëve të Sllovenisë NS Mura. Shkëndija është favorite në këtë duel edhe për vetë faktin pasi luan ndaj një klubi që është themeluar 9 vite më parë dhe në historinë e saj ka luajtur vetëm 2 herë në kompeticionet europiane, pikërisht në Europa League ku sezonin e shkuar arriti të kalonte dy ture dhe u eliminua më pas nga PSV Eindhoven.

Kampionët e Maqedonisë së Veriut kanë ndryshuar pak në përbërje krahasuar me një sezon më parë teksa në radhët e skuadrës së Ernest Gjokës janë afruar emra si Timovski apo Bilali ndërkohë që boshti i ekipit përbëhet nga emra me peshë si Besart Ibraimi, kapiteni Armend Alimi, portieri Zahov, mbrojtësit Bejtulai e Murati, Bruno Dita e Kamer Qaka në mesfushë apo edhe Doriev, Nafiu e Hebaj në sulm. Në rast se arrin të eliminojë Muran dhe të kalojë në turin e dytë të Championsit aty ku me shumë gjasa mund të përballet me bullgarët e Ludogorets, Shkëndija do ta kishte të sigurtë pjesëmarrjen në fazën play-off të kompeticionit më të ri europian Conference League dhe gjasat për të shkuar në grupe janë të mëdha, pasi do t?i mjaftonte të kalonte vetëm dy ture në Champions.

Përsa i përket NS Muras, skuadra e drejtuar nga trajneri Ante Simundza ja doli të fitonte për herë të parë kampionatin slloven në sajë të goleavarazhit më të mirë pasi mposhti në ndeshjen e fundit Mariborin me shifrat 3-1 aq sa i duhej për të shkruar historinë. Ashtu siç ka ndodhur rregullisht në vitet e fundit edhe në këtë edicion sfidat e Shkëndijës në kompeticionet europiane do të keni mundësi t?i ndiqni live në ekranin e Supersport duke filluar që nga dueli ndaj Muras që do të luhet këtë të martë në Tose Proeski Arena në praninë e 10 mijë shikuesve që përbëjnë edhe 30% të kapacitet të stadiumit.





Lajmet e fundit nga