LEXO PA REKLAMA!

SHKARKO APP

App Store
Google Play

"Në zgjedhjet e PD pati shkelje"/ Kadilli: Nuk do të pranoj pozicionet e...

14 Qershor 2021, 19:57, Politikë CNA
"Në zgjedhjet e PD pati shkelje"/ Kadilli: Nuk do të pranoj

Fatbardh Kadilli ka folur sërish për zgjedhjet për kryetarin e ri të PD-së, ku ai doli me rezultat negativ dhe Lulzim Basha mori mandatin e tretë.

Kadilli tha se do ta çojë partinë në referendum politik, ndërsa për kandidimin në zgjedhje pretendon se i ka bërë nder PD-së.

?I bëra një nder partisë, i dhashë një mundësi të ketë garë, të krijonte një frymë besimi?, u shpreh ai në emisionin ?Të Paekspoozuarit? të Ylli Rakipit.

Teksa u pyet për shkeljet e denoncuara nga dy kandidatët e tjerë apo mediat, demokrati deklaroi se personalisht nuk ka indicie por theksoi se ka parregullsi, duke përmendur listat e votuesve.

?Unë nuk kam indicie, vetëm ca shkelje të vogla. Përshembull, një shkelje është mosfutja e disa emrave në listë.

Një partie që 33 mijë anëtarë i dalin pasivë, ky hëstë një problem i madh. Janë krehur listat nga kryetarët e seksionit, nuk i gjenin numërin e telefonit se ka ndërruar lagje dhe e hiqnin nga lista.

Ky është një banalitet që erdhën njerëzit të votonin? Shqetësimi im nuk është pse erdhi dikush dhe nuk gjeti emrin, se ata mund ta ketë sjellë Basha, mund ta ketë sjellë Bardhi. Deri në 15% që nuk kishin emrin në listë u shtuan.

Tregon një banalitet në organizim se nuk i gjen numrin e telefonit nuk e fut në listë. Për mua ky është shqetësimi jo se i vodhën një votë Bardhit apo dikujt tjetër?, theksoi Kadilli, ndërkohë që tregoi se do vijojë të qëndrojë në PD dhe të bashkëpunojë me Lulzim Bashën.

?Unë vetë nuk iki nga partia. Unë nuk do pranoj të jem pjesë e funksioneve ekzekutive në parti.

Unë jam anëtar kryesie dhe kam edhe dy vjet kohë. Unë do bashkëpunoj me Bashën dhe nëse më ofrohet kandidimi për Bashkinë Durrës është tjetër gjë. Nuk do të pranoj pozicionet e nënkryetarit apo sekretarit të PD. E kam pranuar që në fillim që nuk pranoj oferta të kësaj natyre. Nëse këshilli më voton për kryesinë do jem?, nënvizoi ai./ CNA.al

Lajmet e fundit nga