LEXO PA REKLAMA!

SHKARKO APP

A do rikthehet Berisha në krye të PD?/ Nishani “zbërthen” deklaratën e ish kryeministrit

14 Qershor 2021, 19:55, Politikë CNA
A do rikthehet Berisha në krye të PD?/ Nishani

Lidhur me një deklaratë të bërë prej tij, se Lulzim Basha ka pasur dijeni për përfshirjen e Sali Berishën në listën e zezë të DASH-it, Bujar Nishani solli në vëmendje një detaj nga mbledhja e Këshillit Kombëtar. Në një intervistë për emisionin ?Row Politics? të Erla Mëhillit në Euronews, Nishani deklaroi se ka kërkuar më parë një analizë të thellë për zgjedhjet e 25 prillit.

?Në mbledhjen e Këshillit Kombëtar, kam kërkuar zhvillimin e analizave për zgjedhjet e 25 prillit dhe mu tha se jo, se kemi ngjarje të rënda përpara.

Zoti Kadilli ka pohuar publikisht se e ka ditur ai dhe z. Basha që në muajin shkurt se emri i z. Berisha do të ishte në listën e zezë të DASH.

Po kështu, në datën 16 maj u shpall vendimi për mbajtjen e zgjedhjeve në 13 qershor, ndërkohë që në 19 maj u shpall vendimi i Sekretarit amerikan të Shtetit.

Lulzim Basha në asnjë moment nuk përgënjeshtroi zërat se z. Basha nuk e lejonte qëndrimi i Sali Berishës për tu bërë lider. Basha nuk reagoi asnjëherë lidhur me këto aludime, madje i la hapësirë?, tha Nishani.

I pyetur mbi deklaratën e Berishës se mund të kthehej në krye të PD, Nishani tha: ?Mendoj se është një mesazh që u jepet demokratëve se gjërat nuk janë mirë, pasi ai po thotë jam gati të bëj një sakrificë për të ringritur PD?.

?Një deklaratë e tillë duhet parë me shqetësim për gjendjen ku ndodhet PD, ndaj dhe mendoj se që nga nesër çdo anëtar i partisë duhet të angazhohet për një rithemelim të partisë?, tha Nishani./CNA.al

Lajmet e fundit nga