web counter
LEXO PA REKLAMA!

SHKARKO APP

App Store
Google Play

“Në 25 Prill do fitojmë për të ardhmen”/ Këlliçi: Janë shumë probleme që duhet të zgjidhen

15 Nëntor 2020, 10:55, Politikë CNA

Kryetari i FRPD-së, Blelind Këlliçi ka vijuar takimet e tij me të rinjtë, ndërsa ditën e sotme është ndalur në qytetin e Lushnjes.

Në një postim në rrjetet sociale, ndërsa ndan foto nga aktiviteti që ka zhvilluar, Këlliçi shkruan që Lushnja ka një mori problemesh që nuk kanë të sosur.

Sipas Këlliçit në Lushnje nuk është bërë asnjë investim nga ana e qeverisë ndërsa thekson se të rinjtë mendojnë të largohen nga Shqipëria pasi nuk shohin perspektivë.

“Në Lushnjë, një energji si kurrë më parë, në takimin me të rinjtë demokratë të FRPD. Kam shumë miq në këtë qytet që e motivojnë dyfish ardhjen time këtu. Lushnja nuk ndryshon shumë nga qytetet e tjera të vendit. Një mori problemesh që nuk kanë të sosur. Të rinjtë nuk shohin perspektivë. Duan të largohen. Dikur idea e ardhjes në Tiranë i joshte. Tani mendojnë si të ikin një orë e më parë nga Shqipëria.

Qytetin e Kongresit e ka kapluar zymtësia. Sa investime janë bërë në Lushnjë për 100-vjetorin e Kongresit? Pesë me hiç!

T’u japim kurajo të rinjve. T’u japim prioritet, punë e arsim. Do të kthehemi sërish në Lushnjë. Do të kthehemi për të bërë ndryshimin që duam të shohim. Nuk ka zgjidhje tjetër. Të mposhtim depresionin kombëtar.

Në 25 Prill do fitojmë për të qëndruar në vendin tonë, në vatrat tona, pranë prindërve tanë! Forca “, shkruan Këlliçi në Facebook./CNA.al





Lajmet e fundit nga