Skandali me BMW-në luksoze/ Kur do ta japë dorëheqjen Sandër Lleshaj?

23 Tetor 2020, 10:48, Politikë CNA

Dy muaj më parë, CNA.al publikoi skandalin e blerjes së një makine luksoze për ministrin e Brendshëm, Sandër Lleshaj. (Lexo këtu)

Një model BMW i fundit, i cili sipas të gjitha të dhënave të siguruara në faqen zyrtare të BMW, por edhe në mobile.de, shkonte në një vlerë mesatarisht rreth 100 milionë lekë.

Për këtë arsye ne iu drejtuam me shkresa dhe dokumenta zyrtare Policisë së Shtetit, Ministrisë së Brendshme dhe DPSHTRR-së. (Lexo këtu)

Policia e Shtetit ende nuk na është përgjigjur. DPSHTRR na është përgjigjur me dy shkresa kontradiktore, ndërkohë që ministri filloi sulmin ndaj CNA.al.

Në një koment në rrjetet sociale, por edhe në një dalje në parlament, Lleshaj tha se BMW nuk kishte kushtuar 100 milionë lekë.

Në fakt ne ia treguam të gjitha argumentat, dokumentat, edhe ato që Sandër Lleshajt nuk I pëlqenin, ku ishte blerë BMW-ja, dhe si ishte blerë.

Gjithashtu i shtruam pyetjen, se pse duhej blerë një mjet me një çmim kaq të shtrenjtë në mes të pandemisë dhe pas tërmetit tragjik të 26 nëntorit 2019?

Më këtë shumë, sipas vlerave të publikuara nga Fondi Shqiptar i Zhvillimit, mund të ndërtoheshin të paktën katër shtëpi për banorët e prekur nga tërmeti. Me atë vlerë, që Zoti Lleshaj, ish-gjenerali i kthyer në ?kapter? partie, tha në parlament, ku me arrogancë theksoi se ?do të jepte dorëheqjen nëse mjeti nuk bënte 49 mijë euro, apo në qoftë se ai kishte kushtuar 100 milionë lekë?.

Sandri i Ministrisë së Brendshme duhet të kuptojë se si 49 mijë euro, si 100 milionë, janë vlera të mëdha, megjithëse ka një diferencë.

Por, me dokumentin që ai na dha vetë, po tregon se duhet të japë dorëheqjen, ashtu siç ka deklaruar vetë në parlament, kur thotë se ?nëse mjeti kushton mbi 49 mijë euro, ai do japë dorëheqjen?.

Sipas shkresës zyrtare të dhënë nga Ministria e Brendshme, sjellë në redaksinë e CNA.al, janë dy kolona. Njëra që thotë se mjeti kushton 100 milionë dhe njëra që thotë se mjeti kushton të paktën 58 mijë euro, faturë blerje, plus TVSH. Pa folur për kostot e tjera.

Pra në asnjë rast mjeti nuk ka kushtuar 49 mijë euro.

Tani kur do ta japë dorëheqjen ministri Lleshaj?

Se mjeti ka kushtuar të paktën rreth 60 mijë euro, sipas vlerave të tij zyrtare.

A do ta japë dorëheqjen tani ministri Sandër Lleshaj, i cili sfidoi në parlament se do të largohej nga detyra në rast se gënjente?

Jo vetëm ?kapter?, por edhe gënjeshtar. Kjo e dyta është për t?u provuar tani, shumë shpejt, me dorëheqjen ose jot ë ministrit Sandër Lleshaj./ CNA.al

?Kapter? Lleshaj pranon blerjen e makinës luksoze/ Tani në përballje ligjore me CNA.al

Foto ekskluzive-Lleshaj pranon skandalin/ Ndryshon targat e makinës

Gonxhja e pranon/ Lleshaj qarkulloi me targa false

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Skandali me BMW-në luksoze/ Kur do ti publikojë dokumentet Sandër Lleshaj?

SKANDALI/ DPSHTRR fshehu të dhënat për BMW-në e Lleshajt

Skandali në DPSHTRR/ Si gënjyen drejtuesit