Connect with Us

Foto ekskluzive-Lleshaj pranon skandalin/ Ndryshon targat e makinës

Aktualitet

Foto ekskluzive-Lleshaj pranon skandalin/ Ndryshon targat e makinës

Publikuar

-

Maliqi “kryqëzon” Lleshajn/ Me makinën luksoze mund të ishin blerë 100 dronë

Ministri i Brendshëm, Sandër Lleshaj ka ndryshuar targën e mjetit i cili u denoncua si një akt skandaloz nga CNA.al, rreth një muaj më parë.

Mjeti, i cili deri pak kohë më parë ka mbajtur targën AA 976 UT, tashmë i janë ndryshuar targat, në AB 395 BC.

Makina BMW me targa të ndryshuara

Kujtojmë këtu se skandali, lidhet me blerjen e një mjeti luksoz tip BMW, për të cilin Lleshaj thotë se ka kushtuar reth 50 mijë euro.

CNA.al raportoi se mjeti në fjalë është blerë nga Policia e Shtetit, për Oficerin e Kontaktit në Ambasadën Shqiptare në Gjermani, por më pas mjeti është sjellë në Shqipëri me targa gjermane, dhe sikurse shikohet në foton më poshtë, është parkuar pranë Drejtorisë së Përgjithshme të Policisë.

Makina me targa Gjermane, te Policia e Shtetit

Më pas mjetit në fjalë i janë vënë targat shqiptare AA 976 UT, dhe mjeti është dërguar pranë Ministrisë së Brendshme dhe përdoret nga ministri Sandër Lleshaj. (Lexo këtu)

Makina me targa shqiptare, te Ministria e Brendshme

CNA.al i shkoi më tej investigimit dhe skandali vijoi të thellohet.

Në datën 9 shtator 2020, CNA.al, duke iu referuar burimeve zyrtare pranë institucioneve shtetërore, raportoi se mjeti në fjalë qarkullon me targa falso. (Lexo këtu)

CNA.al i është drejtuar me një shkresë DPSHTRR-së dhe Policisë së Shtetit.

DPSHTRR, në shkresën e datës 02.09.2020 drejtuar redaksisë së CNA.al, jep një përgjigje qesharake, ndërsa thotë se “Nuk mund të japim të dhënat personale të shtetasve pa pëlqimin e tyre”.

Nga ana tjetër, Policia e Shtetit ende nuk ka kthyer asnjë përgjigje. Por, CNA.al nuk do të ndalet deri në zbardhjen e plotë të këtij skandali, “zemra” e të cilit është në Policinë e Shtetit.

Ndërsa, Ministria e Brendshme, pasi mjetit i janë ndryshuar targat, pranon se makina me të cilën lëviz Sandër Lleshaj, ka mbajtur përkohësisht targat AA 976 UT. Pra, e pranon se mjeti ka lëvizur me targa false.

Në përgjigjen e mbërritur në 25 shtator pranë redaksisë së CNA.al, e cila mban vulën dhe firmën e Drejtorit të Kabinetit në Ministrinë e Brendshme, pranohet se mjeti ka lëvizur me targa false.

Në shkresë thuhet se mjeti ka mbajtur përkohësisht targat e sipërpërmendura.

“Targa AA 976 UT është në përdorim të mjeteve në pronësi të Ministrisë dhe strukturave të saj të varësisë, është i pajisur me siguracion në përputhje me legjislacionin në fuqi

Nëse i referoheni mjetit tip “BMW”, në pronëse të ministrisë së Brendshme, i cili ka mbajtur përkohësisht targën e lartpërmendur, ju bëjmë me dije se ai është pajisur me siguracion të detyrueshëm”-thuhet në përgjigjen e Ministrisë së Brendshme.

LEXO EDHE:  U kërcënua në sy të Taulant Ballës/ Policia hedh poshtë pretendimet e oficerit

Edhe pse ministria e Brendshme thotë se janë AA 976 UT, janë targa të mbajtura përkohësisht, ende nuk ka vënë në dispozicion dokumentacionin që tregon se për kë është blerë mjeti,  kush e bleu, si e bleu, pse u targua me targa false dhe pse lëviz pa siguracion.

Por, çfarë ndodhi?

CNA.al ka siguruar disa foto të mjetit, në fjalë ku duket se janë ndryshuar targat. Tashmë mjeti mban targën AB 395 BC. Kështu, vetë Lleshaj pranon se ka lëvizur me targa false, por tashmë mjetit i janë ndryshuar targat.

Makina BMW me targa te ndryshuara

Sandër Lleshaj ka përdorur një mjet i cili është blerë nga Policia e Shtetit për Oficerin e Kontaktit në Ambasadën Shqiptare në Gjermani dhe ka qarkulluar me targa false.

Sandër Lleshaj në vend që të përgjigjej për skandalin në të cilin është përfshirë, hodhi një mal me akuza dhe sulme ndaj medias.

Pas sulmeve dhe akuzave, Sandër Lleshaj ndryshoi targat e makinës dhe tashmë nuk kemi një ministër që lëviz me një mjet me targa false, por me një mjet me targa të rregullta, dhe ndoshta edhe me siguracion.

Por, fakti është se Sandër Lleshaj me ndryshimin e targave të mjetit, ka pranuar se ka qarkulluar për një kohë me një mjet me targa false dhe pa siguracion.

Makina BMW me targa te ndryshuara

Që në rastin e një qytetari të thjeshtë, në rast se ai do të kapej, do të burgosej. Ndërsa ministri ka luksin të ndryshojë ato sipas qejfit.

Por CNA.al në vijim do të sjellë të tjera detaje dhe skandale…vijon

Makina BMW me targa te ndryshuara
Makina BMW me targa te ndryshuara
Makina BMW me targa te ndryshuara

Ekskluzive-Sandër Lleshaj dhe Ardi Veliu kapen në mega-skandal/ Si u “përvetësua” makina 100 milionëshe

BMW-ja luksoze/ Lleshaj kërkon të mbulojë skandalin, fsheh dokumentet

Lleshaj e pranon/ Mjeti qarkullonte me targa falso

“Kapter” Sandër Lleshaj reagon për makinën luksoze/ CNA.al i përgjigjet

Publikoi skandalin e makinës luksoze/ Gazetari sfidon publikisht Sandër Lleshajn

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Aktualitet

Arratisja e Llallës/ Klodiana Lala hedh dyshimet e forta

Publikuar

-

Nga

cna lajme aktualitet

Gazetarja Klodiana Lala ka reaguar në lidhje me arratisjen e ish-kryeprokurorit Adriatik Llalla.

Gazetarja Lala i ka drejtuar një thirrje autoriteteve të zbulojë vendndodhjen e Llallës, pasi sipas saj, ish-kryeprokurori mund të çojë edhe tek “peshqit e mëdhenj”.



Vendndodhja e Adriatik Llallës duhet të zbulohet, ose ai mund të kërkojë azil politik. Ai ka pasur të bëjë me peshqit e mëdhenj, prandaj dhe duhet të hetohen personat me poste shumë të larta që ai ka trajtuar. Ai është edhe përsoni i parë me një pozitë kaq të lartë që shpallet non grata nga SHBA. Sot Adriatik Llalla është dënuar me dy vite burgim dhe duhet theksuar që duhet të ndjekim cdo lloj strategjie që mund të ndjekë ai.”-tha Lala ne news 24./CNA.al

LEXO TE PLOTE

Politikë

“Ikni, thyeni qafën”/ Demokratët “masakrojnë” Gazin e Lulit: Nuk iu votojmë më

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Pas përfundimit të seancës së sotme në Kuvendin e Shqipërisë, Sekretari i Përgjithëm i Partisë Demokratike, Gazment Bardhi, në një prononcim për mediat ka kundërshtuar vendimin për të zhvilluar online mbledhjet e komisioneve parlamentare.

Bardhi vijoi deklaratat e tij, duke mos pranuar të komentojë çështje të tjera, pasi sipas tij, “çështja më e rëndësishme sot është që mbledhjet të mos bëhen online”.

Por, ndërkohë një detaj që vihet re gjatë deklaratës së Bardhit, janë komentet e demokratëve.

Deklarata e Bardhit është publikuar live në faqen zyrtare të Partisë Demokratike, ku demokratët kanë shprehur revoltën e tyre kundër Bashës dhe të zgjedhurve të tij.

LEXO EDHE:  Akademia e Shkencave, monedhë shkëmbimi mes politikanëve/ Fuga zbardh skandalin

LEXO EDHE:  Akademia e Shkencave, monedhë shkëmbimi mes politikanëve/ Fuga zbardh skandalin

Po thyeni more qafen se u bëtë gazi i botës. Shkoni ore te Sali beu. Mblidhuni t’ju bëjë burra se me jet ju nuk bëheni”-shkruan një komentues.



Më tej, një tjetër shkruan “Me kete diksion qe ke ti, ia kalon dhe Erion Braces!

Ti do mbrosh kauzat e këtij popull more buzëqumeshti i Lulushit?”

Gjithashtu një tjetër shkruan “Hani edhe këtë 4 vjetësh, se nuk keni për të marrë kokërr vote më”.

Më poshtë disa nga komentet, e bëra në faqen zyrtare të PD:/CNA.al

LEXO TE PLOTE

Politikë

“Kolapsi moral i lidershipit të opozitës”/ Ish-deputeti i PD numëron tradhëtitë e Bashës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Ish-deputeti i Partisë Demokratike, Astrit Veliaj i ka drejtuar kritika të forta kreut të kësaj force politike, Lulzim Basha.

Në një analizë të gjatë, Veliaj shkruan se kriza në të cilën është futur opozita është një krizë lidershipi, morali dhe demokracie.

Më tej, ai shkruan se Partia Demokratike është trajtuar si pronë personale, forca e saj si aset biznesi, votat historike si lëndë e parë për fitime individuale.

“Udhëheqësia përpara se të arrijë rezultate, duhet t’i japi kuptim organizatës, të krijojë modelin dhe frymën ku normat dhe principet t’i mbajnë njerëzit të bashkuar me njëri-tjetrin. Kjo është cenuar ndër vite. Partia Demokratike është trajtuar si pronë personale, forca e saj si aset biznesi, votat historike si lëndë e parë për fitime individuale.”-shkruan Veliaj.

Gjithashtu ai numëron edhe disa nga tradhëtitë e Bashës ndaj demokratëve, që nga Bashkia e Tiranës, e deri në vendimin e fundit, për të përjashtuar Sali Berishën nga grupi parlamentar.

“Kultura tinzare e eleminimit të njerëzve me etapa, e përdorimit dhe e flakjes, e personalizimit dhe e shpërfilljes, e mungesës së respektit dhe ndjeshmërisë, ka shkatërruar konceptin e partisë moderne, duke e kthyer në sipërmarrje në funksion të një njeriu. Këtu qëndron shkaku i dështimeve të përsëritura.

Drejtuesit e mirë shquhen për vendime që të nxjerrin fitues. Nuk gabohet në çdo udhëkryq të kohës. Egoja dhe paaftësia nuk krijuan kurrë një lidership ndryshimi. Iku nga bashkia kur duhej të konkuronte dhe të mbante kryeqytetin si fortesë pushteti dhe ekuilibër forcash. Bëri kompromise të fshehta dhe hyri në qeveri para fushate kur duhej të mobilizonte trupat për luftë, duke krijuar iluzione se ishte në sinkron me kundërshtarin.

Dogji mandatet dhe i la të gjitha pushtetet, dezertoi nga beteja vendore dhe u la të gjithë hapësirën lokale socialistëve, kur duhej të shtrinte pushtetin si mjet për të marrë qeverinë.

Nxitoi për eleminuar liderin historik dhe hedhur në erë legjitimitetin politik të së djathtës kur duhej të bënte luftën morale me të majtën për integritetin e procesit zgjedhor. Një anije pa busull dhe pa kapiten, që vërtitet pa një projeksion të qartë nuk arrin kurrë në destinacion.”-shkruan Astrit Veliaj.



Sipas ish-deputetit demokrat, mefshtësia dhe dobësitë e karakterit e groposën politikisht kryetarin në ikje. Kundërshtarët e bënë objekt talljesh, opinioni nuk e mori kurrë seriozisht, ai vetë nuk pati kurrë forcën t’i vinte pikat mbi i.

“U bë me stilin e tij karakteristik objekti kryesor i memeve dhe i emisioneve humoristike. Trashte zërin dhe dilte si këndez i parritur, i këndonte himnin dhe në vend të patriotizmit reflektonte donkishotizmin, mblidhte dhe shumëzonte duke vënë në pikëpyetje edhe shkollën, që ndër vite iu shit si aset kombëtar.

LEXO EDHE:  Akademia e Shkencave, monedhë shkëmbimi mes politikanëve/ Fuga zbardh skandalin

LEXO EDHE:  Abuzimi me ndërtimet pa leje në zonat turistike/ Rama thirrje policisë

Nuk i shkoi kurrë kostumi i liderit, ngjante më shumë me dordolecët që u mungon autenticiteti. Imitonte, por nuk u bë kurrë një origjinalitet.

Asnjëherë frymëzues dhe i besueshëm. Figurant me shkëlqim të rremë. Atë që premtonte kurrë nuk e realizonte. Përçarës i paprinciptë i organizatës, demokrat fals që me buzëqeshje fshihte dredhinë e radhës.

Janë harruar postet e larta që partia i dha për ta pasur si lider të ardhmes dhe kudo pyet e kujtojnë si njeri i fjetur, hileqar dhe oportunist, premtues spekullant dhe shkelës marrëveshjesh, gënjeshtar e i pazoti të krijojë identitet politik, masë amorfe, që u ngjitet të fortëve të politikës për të kapur çfarë do, i gatshëm të kërcejë në prehrin e kujdo që i afron një pazar më të mirë.

Në 8 vite Partia Demokratike humbi tiparet e një partie konservatore, u zhbë konkurrenca e lirë dhe e ndershme e njerëzve, humbi vërtetësia dhe lulëzuan kulisat, u larguan personazhet markante dhe çdo njeri me potencial publik. Mendësia e kreut u përhap si epidemi dhe manovrat meskine u instaluan aty ku gjetën terren.

Ky kryetar nuk arriti kurrë t’i japi tipar të respektueshëm lidershipit politik të opozitës, nuk u ngjit kurrë në përmasat kombëtare të partisë që trashëgoi. Mbeti një drejtues në letra, por nuk u bë kurrë lideri i zemrave dhe mëndjeve të njerëzve.

Jo më kot. Një njeri që harxhon kaq shumë energji për t’ia hedhur të tjerëve nuk mund të bëhet kurrë lider.

Do vinte dhe kjo ditë kur kriza e lidershipit do aktivizonte mekanizmin demokratik të antarësisë, ku do i mësohet kreut nga vegjëlia se të drejtosh duhet të kesh karakter, fjalë e besnikëri, forcë shembulli dhe integritet, rezistencë për të mbajtur presionin dhe jo të shesësh historinë e familjes politike për karrierë dhe përfitime personale.”-përfundon Astrit Veliaj./CNA.al

LEXO TE PLOTE