E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kijong-Dong, qyteza fantazëm në kufirin midis Koresë së Veriut dhe Jugut

2 Tetor 2020, 06:51, Blog CNA

Kijong-dong duket nga larg si një fshat tipik, me një depozitë të madhe uji, linja elektrike, rrugë të pastra dhe drita të ndezura në dritaret e ndërtesave të tij të shumta. Por nëse shkoni në ?Fshatin e Paqes? do të zbuloni se aty nuk banon asnjeri, dhe në fakt nuk ka banuar asnjëherë.

I vendosur në Zonën e Demilitarizuar (DMZ), që ndan Korenë e Veriut nga ajo e Jugut, Kijong-dong u ?inaugurua? në vitin 1953, kur një armëpushim i dha fund Luftës Koreane. Ekspertët besojnë se ?Fshati i Paqes?, që përdoret më shumë si një ?Fshat i Propagandës?, është vetëm një nga shumë qytezat e rreme në Korenë e Veriut.

Qyteti i rremë qëndron bosh, edhe pse Pheniani pretendon se aty banojnë mbi 200 banorë. Koreja e Veriut, është e famshme për projektimin e imazheve të rreme të prosperitetit dhe suksesit ekonomik. Duke e përdorur këtë qasje, qeveria e Koresë së Veriut e ndërtoi Kijong-dong për t?i mashtruar koreano-jugorët se veriorët po jetonin në luks.

Edhe sot, Koreja e Veriut pohon se kjo qytezë fantazmë është plot jetë. Por një vështrim nga afër, zbulon se ai i ngjan më shumë një sheshxhirimi të braktisur të Hollivudit sesa një fshati. Lufta e Koresë e dërrmoi Veriun dhe Jugun për 3 vjet me radhë, duke shkaktuar vdekjen e 3 milionë njerëzve.

Megjithëse armëpushimi i dha fund armiqësisë të hapur, asnjëra palë nuk ra zyrtarisht dakord për paqe. Zona e Demilitarizuar, që ndan të dyja vendet është ende një nga rajonet më të paqëndrueshme dhe të armatosura në botë. Minat tokësore e dominojnë kufirin, të mbrojtura nga gardhet me tela me gjemba, posta kufitare dhe qindra mijëra ushtarë.

DMZ është në thelb një zonë tampon me një gjerësi 4 km, që shtrihet në të gjithë kufirin tokësor 250 km të gjatë. Që të dyja vendet evakuuan vendbanimet e tyre civile përgjatë asaj zone. Pas vitit 1953, vendet mund të ruanin ose të ndërtonin vetëm një fshat në secilën anë.

Koreja e Jugut mbajti Daeseong-dong, ose ?Fshati i Lirisë?. Aty jetojnë rreth 226 banorë. Asnjë vizitor tjetër nuk mund të hyjë apo jetojë atje. Banorët e ?Fshatit të Lirisë? kanë letërnjoftime të posaçme, dhe pas orës 23.00 të mbrëmjes dhe deri në mëngjes hyn në fuqi shtetrrethimi.

Ka pasur akuza se verioret hyjnë herë pas here në fshat për të rrëmbyer fshatarët, për të cilët ata thonë më pas se janë larguar vullnetarisht për në Korenë e Veriut. Veriu vendosi të ndërtojë një qytezë krejtësisht të re, Kijong-dong, ose ?Fshati i Paqes?, që është quajtur me të drejtë ?Fshati i Propagandës?.

I ndërtuar për të projektuar imazhin e rremë të suksesit ekonomik, ai është një fshat i shkretë. Edhe pse Koreja e Veriut pretendon se ?Fshati i Paqes? ka 200 banorë, vëzhguesit nga jugu thonë se aty nuk jeton thuajse askush.

Komandanti Robert Uot i trupave shumëkombëshe të OKB-së, të vendosura në anën e Koresë së Jugut, thotë se shumë nga godinat kanë dritare të pikturuara. Ai pretendon se strukturat e tjera janë thjesht godina pa dysheme. Por tipari më i dukshëm i Kijong-dong janë dritat elektrike në rrugë, që ndizen rregullisht për të krijuar iluzionin e jetës që gjallon aty.

Ato janë instaluar qartazi për t?u bërë përshtypje jugorëve. Qeveria e Koresë së Veriut pretendon se qyteza ka qindra banorë të lumtur. Aty ndodhet madje edhe një qendër e kujdesit për fëmijë, kopshti i fëmijëve, shkolla fillore dhe e mesme, si dhe një spital.

Kijong-dong mirëmbahet rregullisht nga punëtorët që pastrojnë rrugët, megjithëse popullsia e tij është zero. Në fakt, asgjë tjetër përveç punëtorëve të pastrimit, nuk jep ndonjë shenjë të atje jetojnë koreano-veriorë. Vëzhguesit në Korenë e Jugut, mund t?i shohin ata kur shfaqen herë pas here në rrugë.

Tek e fundit, ky fshat duket se nuk shërben si asgjë më shumë sesa si një mjet në një garë për matjen e egove të të dyja vendeve. Dhe provë për këtë është edhe madhësia e shtizave ku ngulen flamujt e 2 shteteve. ?Kur shumica e njerëzve mendojnë për Korenë e Veriut, ne mendojmë për Kim Jong-un, raketat, lëshimin e tyre. Nëse synojmë të shohim gjëra të tjera përtej asaj që shohim në media, është realisht e pamundur?- thotë Peter Kim, profesor i lindur në Amerikë, por që sot jep mësim në Universitetin Kokmin në Seul.

Kim thotë se është shumë e vështirë të thuash se çfarë po ndodh saktësisht në rrugët e ?Fshatit të Paqes? ose diku tjetër në Korenë e Vriut. Ndërkohë, gara për zemrat dhe mendjet e armiqve të secilit komb, shfaqet fort në formën e shtizave të tyre ku nderen 2 flamujt në Zonën e Demilitarizuar.

Koreja e Jugut ngriti një shtizë flamuri 99 metra të lartë në Daeseong-dong në vitet 1980. Ky akt e nxiti Korenë e Veriut të ngrejë një shtizë flamurit edhe më të lartë, 160 metra, për kohën shtiza më e lartë e flamurit në botë.

Flamuri i Koresë së Jugut peshonte 120 kg. Ky veprim e detyroi veriun të prodhonte një flamur që peshonte 270 kg. Ndërkohë të dyja vendet, kanë përdorur altoparlantë për të sharrë njëra-tjetrën. Veriu transmeton rregullisht mesazhe propagandistike kundër Jugut.

Këto transmetime lavdërojnë triumfet e Koresë së Veriut, duke i nxitur njerëzit të arratisen atje. Ndërkohë Koreja e Jugut vendoste shpesh me zë shumë të lartë muzikën e grupit koreano-jugor K-pop. ?K-pop është një mjet mjaft i fuqishëm propagandistik?- thotë profesori Roald Maliangkej i Universitetit Kombëtar të Australisë.

?Ai e përshkruan Korenë e Jugut si një komb hiper-modern, të pasur dhe të populluar vetëm nga njerëz të apasionuar dhe tërheqës?- shton ai. Kjo lloj lufte propagandistike, përfundoi në vitin 2004, kur të dyja vendet e kuptuan se asnjëri nuk kishte përfituar ndonjë gjë. Megjithëse sjellje të ngjashme rifilluan për pak kohë në vitin 2016, ato janë ndalur që prej asaj kohe./ Përshtatur nga CNA.al