Edi Rama si armik i artistëve

21 Korrik 2020, 08:26, Politikë CNA

?E solla me thonj të paprerë nga Parisi?, ishte batuta e ish-kryeministrit Fatos Nanos shumë vite më parë kur filloi një përplasje e tij me Ilir Metën, që mbështetej nga pas nga Edi Rama për të tentuar një përçarje të Partisë Socialiste, ashtu siç ndodhi më vonë.

?Një artist i dështuar dhe hajdut ikonash?, e quan ish-kryeministri Sali Berisha. Ka pasur edhe akuza të tjera, duke u quajtur ?veprat e tij të artit? si zhgarravina.

Një bunker por edhe disa bojëra të hedhura mbi njëra tjetrën në copa letrash të punës si kryeministër, janë ?arti? që bën Edi Rama, i cili në fakt është një sulm i pandalur ndaj artistëve shqiptarë.

Dje, me një vendim deri diku të drejtë, për mbylljen e disa lokaleve dhe bareve, ku abuzohet në fakt me masat e marra ndaj Covid-19, Edi Rama duke mos mundur ta kontrollojë situatën urdhëroi që artistët të mos këndojnë më pas orës 20:0. Kjo pas disa ngjarjeve që ndodhën në Sarandë, Vlorë, në bregun e detit, ku me qindra qytetarë futeshin në salla të mbyllura dhe organizoheshin festa.

Ndoshta kryeministri kishte të drejtë, sepse në rast pandemie ai duhet të mbajë përgjegjësi, dhe ministria e Shëndetësisë po ashtu duhet të marrë masat përkatëse, sepse në rast se nuk do të veprojnë, ata do të mbajnë përgjigjësi ligjore.

Dhë në këtë rast janë fiks te variant, ?si ia dhe ujin gomarit?. Kjo është edhe sjellja që ka opozita shqiptare sot, por çështja qëndron diku tjetër.

Artistët prej gati pesë muajsh, janë pa punë. Kanë mundur të këndojnë në disa ambiente të hapura, ndoshta një javë ose dy, duke marrë diçka sa për të jetuar.

Por, a mund të mbajë dikush përgjegjësi për këta artistë, të cilët në pesë muaj nuk kanë mundur të marrin asnjë qindarkë. Qeveria shqiptare nuk iu ka dhënë asnjë lek.

Pretendohet se këta kanë lekë, se kanë kënduar, se marrin qindra milionë lekë nëpër dasma dhe festa familjare. Por, a e di dikush standartin e jetesës së tyre?

Por, si mund të lësh pa paguar një elitë, e cila është pjesa që i jep hare këtij populli dhe është relaksi i vërtetë i shqiptarëve. Por, në pesë muaj ata nuk kanë marë asnjë qindarkë.

Ndoshta Edi Rama është i drejtë në vendimin që merr, sepse situata e Covid-19 mund të jetë shqetësuese, por me mbylljen e aktivitetit të artistëve, kryeministri i vendit dhe qeveria duhet të paguajnë çdo qindarkë të munguar në xhepat e tyre.

Të gjithë artistët kanë heshtur, folën shumë pak.

Disa muaj më parë, kur qeveria dha paketën e parë ekonomike, më pas edhe të dytën, si ndihmë për biznesin. Por në të dyja rastet i përjashtoi dhe ata nuk thanë asnjë fjalë, me shpresën se do të vinte vera dhe do të punon e do të mund të jetonin më mirë. Por, vera erdhi dhe tani urdhëri u dha. Nuk ka më lokale hapur, ata nuk mund të këndojnë, nuk mund të punojnë. Edhe pse u përdorën gjatë pandemisë për të kënduar, për të mos lejuar njerëzit të dilnin jashtë, duke iu shërbyer kështu shumë shqiptarëve, qeveria i la ata në harresë.

Edi Rama duket se është hapur armik i artistëve. I kompleksuar me dështimet e tij si piktor, ai sot po sillet si një ?kriminel? publik ndaj orkestralëve dhe muzikantëve shqiptarë.

Mund të mbyllen aktivitetet e biznesit, sepse ka raste si ky i pandemisë, ku qeveria ndërhyn në mbrojtje të interesit tët shumicës së qytetarëve, por paralel me këtë duhet të jenë edhe masat që qeveria duhet të marrë për të paguar çdo qindarkë të munguar ndaj artistëve.

Pra, nuk mund të mjaftohet me mbylljen e bareve dhe të mos lejojë këngëtarët të këndojnë. Por, nga ana tjetër këta duhet të kompensohen në mënyrën më të mirë të mundshme që ka qeveria.

Jo duke iu dhënë lëmoshë si ndihmë ekonomike për të future një copë bukë në gojë, por duke i kompensuar ashtu siç atyre iu takon për çdo kontribut dhe vlerë që kanë në skenën dhe kudo që ata punojnë, për të relaksuar shqiptarët në këto ditët pushimesh në kohë pandemie./ CNA.al