LEXO PA REKLAMA!

SHKARKO APP

“Përkeqësimi i situatës, dështim i qeverisë”/ PD: Fasoneritë, vatra të rrezikshme

22 Prill 2020, 09:55, Sociale CNA
“Përkeqësimi i situatës, dështim i

Ish deputetja e PD, Oriola Papmuri thotë se të dhënat zyrtare nga Ministria e Shëndetësisë, konfirmojnë shqetësimin e Partisë Demokratike se mbajtja hapur e fasonerive i ka kthyer ato në vatra të rrezikshme të përhapjes së infeksionit.

Pampuri shpreh se qeveria duhet të kishte mbyllur fasoneritë që në momentin e parë të shpërthimit të epidemisë.

?Në Krujë, sot ka më shumë të infektuar se dje. Janë 18 persona të tjerë që kanë rezultuar pozitiv. Të gjithë punonjës fasonerie, kryesisht gra dhe vajza. Urojmë që të dhënat të pasqyrojnë realitetin dhe virusi të mos jetë përhapur akoma më shumë, por edhe kaq sa është, kemi një situatë shumë problematike.

Brenda pak ditësh, një person i vetëm ka kontaminuar 86 të tjerë, duke na faktuar 3 gjëra të rëndësishme:
1. Se virusi ka aftësinë të përhapet me shpejtësi
2. Se fasoneritë, si vend me perqendrim të lartë, janë vendi ideal për përhapjen e virusit.
3. Se qeveria është përgjegjësja kryesore për situatën e krijuar.

Qeveria duhet të kishte mbyllur fasoneritë që në momentin e parë të shpërthimit të epidemisë. Ne ia kërkuam këtë, bizneset kanë mbajtur të njëjtin qendrim, por Edi Rama ka kundërshtuar me kokëfortësi, pa dhënë asnjë argument.

Rezultati i kësaj vendimarrje të gabuar është 86 persona të infektuar me koronavirus vetëm nga një kontakt që punon në një fasoneri në Krujë?, tha Pampuri.

Sipas saj, gjobat ndaj bizneseve të fasonerive, që punësojnë rreth 70 mijë gra e vajza është mënyra e gabuar për të menaxhuar situatën.
Ajo thekson se duhet mbyllja e tyre, e shoqëruar me një mbështetje financiare.

?Është e pandershme nga ana e Edi Ramës që përdor dy standarde të ndryshme për të njëjtën situatë. Për sigurinë e vetes, të familjes dhe bashkëpunëtoreve të tij, Rama përdor komunikimin online, ndërsa mijëra gra e vajza, si dhe familjet e tyre i ka lënë nën terrorin psokologjik të infeksionit në vendet e punës.

Ka vetëm një arsye pse Edi Rama është i gatshëm të luajë bixhoz me jetën dhe shëndetin e 70 mijë nënave dhe motrave. Ai nuk do që të sakrifikojë nga paratë që ndan me një grusht oligarkësh për disa koncesione korruptive. Anullimi i pagesave për inceneratorët, Tiranës, Fierit dhe Elbasanit mbulon koston e pagesës minimale për 70 mijë gra e vajza të fasonerive.
Ndihmon që virusi të mos përhapet dhe biznesi të mos falimentojë.

Ne nuk do të lodhemi duke e përsëritur këtë gjë. Për ne është e rëndësishme që të ndërpritet zinxhiri i infektimeve. Që 18 personat e infektuar në Krujë, në Kurbin, në Shkodër, në Durrës e kudo ku ka fasoneri të mos bëhen 28, 48 apo 248.?, tha mes të tjerash Pampuri./CNA.al

Lajmet e fundit nga