web counter
LEXO PA REKLAMA!

SHKARKO APP

App Store
Google Play

Miratohet shtyrja e gjendjes së fatkeqësisë natyrore/ Rakacolli: Pritet të rritet numri i të infektuarve

21 Prill 2020, 08:10, Sociale CNA

Komisioni i Ligjeve ka miratuar shtyrjen e gjendjes së Fatkeqësisë Natyrore me dy vota abstenim nga deputetët Alban Zeneli dhe Andi Përmetit.

Në fjalën e tij, ministri i rindërtimit dhe përgjegjësi për situatën e COVID-19, Arben Ahmetaj tha se ky vendim ndihmon në uljen kurbës së përhapjes se COVID-19.
“Duke qenë se jemi të gjithë te Komisioni juaj të përditësuar me situatën e gjendjes do të na ndihmojë ne që të kemi mundësi të kontrollojmë dhe të fusim në një kurbë ulëse përhapjen e infeksionit”, tha Ahmetaj.

Zv. ministrja e Shëndetësisë, Mira Rakacolli ka sqaruar se është e nevojshme një periudhë kaq e gjatë, nisur nga fakti se me masat lehtësuese pritet që të ketë një rritje të të numrit të infektuarve përgjatë 14 ditëve të ardhme, dhe në këtë formë do të kenë mundësi që ta frenojnë përhapjen.
“Situata fatmirësisht deri në këtë situatë është në kontroll. Ka ardhur momenti që të gjykojmë që këto masa të lirohen, por duke qenë se e gjithë merita është pikërisht te këto masa, lirimi i masave, specialistët presin që të ketë raste të shtuara duke qenë se një pjesë e të prekurve janë asimptomatik, prandaj këto masa do të jenë graduale. Duhet që të presim minimumi dy javë që të vlerësojmë nëse do ketë rritje ose jo, dhe nëse do ketë, që gjasat janë po, dhe që të kthehemi sërish aty. kjo do të na ndihmojë për të vazhduar që të kontrollojmë situatën. Është e domosdoshme që të vazhdojmë ta kontrollojmë”, tha Rakacolli./CNA.al





Lajmet e fundit nga