LEXO PA REKLAMA!

SHKARKO APP

Situata e vështirë nga koronavirusi/ Jozefina Topalli ka një mesazh për qytetaret dhe politikën

5 Prill 2020, 06:47, Politikë CNA
Situata e vështirë nga koronavirusi/ Jozefina Topalli ka një

Ish Kryetarja e Kuvendit të Shqipërisë, Jozefina Topalli, i bën thirrje Qeverisë që të marrë borxhe për të përballuar pasojat e situatës me pandemine e koronavirusit.

Topalli theksoi se nuk ka rrugë tjeter në rrethanat e krijuara, edhe pse borxhi do të rritet.
Sipas saj, nuk është koha për politikë, por për tu bashkuar të gjithë në përballimin e kësaj gjendje të vështire.

Gjatë një interviste për TV1-CHANNEL, Jozefina Topalli u bëri thirrje të gjithë qytetarëve të Shkodres e mbarë Shqipërisë që të vazhdojnë të respektojnë këshillat e mjekëve, distancimin social dhe qëndrimin në shtepia.

Ajo kujtoi se nëse nuk jemi të vemendshëm në këtë drejtim, atëherë për pak orë mund të rrezikojmë gjithë sakrificat e bëra për tu mbrojtur deri sot nga koronavirusi.

“Këta që janë në pushtet vetëm të ndjekin cfarë thotë Mario Dragi, nëse marrin masa të guximshme mund t’ia dalin, që ekonomia të rifillojë edhe njëherë fuqinë e saj dhe normalitetin. Që do të thotë le të rrisim borxhin këtë situatë, sepse me taksa nuk mbahet në këtë periudhë, të ndihmojmë biznesin, papunësisë dhe të njerëzit me shtesa pak më të larta. Kjo është minimumi mund të bëjë shteti. Në kushte lufte ka sjelle krejt të ndryshme.

Ekonomia jonë është e dobët në kushtet e një vendi që vidhet dhe korrupsioni është galopant. Nëse në parlament do të kishte zëra të fuqishëm, por nuk është koha për politikë, por për të qenë të gjithë bashkë, për solidaritet, me dhënë aq sa mundet, si kontribut edhe përmes analizave që bëhen, sepse virusi nuk njeh beteja politike, ai do me mbijetuar dhe lufta është mes nesh dhe virusi.

Nuk u takon politikanëve të japin këshilla, por po përcjell atë që miqtë e mi mjekë shprehin me shqetësim të madh, sidomos për Shkodrën, që japin pamje të grumbullime të njerëzve. Nëse prekemi kur shohim njerëzit që këndojnë himnin apo duartrokasin për mjekët, mënyra më e mirë për të nderuar sakrificën e tyre është të bëjmë kujdes. Nëse nuk ndërgjegjësohemi sa themelor është izolimi shifrat do të rriten” , tha Topalli./CNA.al

Lajmet e fundit nga