LEXO PA REKLAMA!

SHKARKO APP

App Store
Google Play

Përvjetori i anëtarësimit në NATO/ Bushati: Arritje historike, mirënjohje për të gjithë ato që kontribuan  

4 Prill 2020, 13:20, Politikë CNA
Përvjetori i anëtarësimit në NATO/ Bushati: Arritje

Ish-ministri i Jashtëm, Ditmir Bushati ka përkujtuar 11-vjetorin e anëtarësimit të Shqipërisë në NATO.

Në një postim në rrjetet sociale, Bushati e cilëson këtë një arritje historike ndërsa shpreh mirënjohje dhe falenderim për të gjithë ata që kontribuan.

?Më 4 Prill të vitit 2009, Shqipëria u bë vend anëtar i NATO-s, Aleancës më të fuqishme politike dhe ushtarake në histori. Anëtarësimi në NATO nuk ishte thjesht investim në më shumë siguri, por mbi të gjitha shprehje e përkatësisë euro-atlantike të Shqipërisë dhe shqiptarëve. Procesi i anëtarësimit në NATO ishte produkt i konsensusit të gjerë politik që mundësoi ndër vite reforma të rëndësishme në fushën e së drejtës, sigurisë dhe modernizimit të ushtrisë.

Anëtarësimi në NATO është një arritje historike. Ndaj, sot është dita të falenderojmë e të shprehim mirënjohjen për të gjithë ato që kontribuan për këtë arritje. Më posaçërisht, burrat dhe gratë e Forcave tona të Armatosura, që edhe sot janë në vijën e parë të frontit në misionet jashtë vendit, por edhe brenda vendit në situatën e krijuar prej virusit vdekjeprurës. Burrat dhe gratë e shërbimit të jashtëm, profesionalizmi dhe përkushtimi i të cilëve mbajnë diplomacinë shqiptare. Burrat dhe gratë e shërbimit civil si shtylla kurrizore e konceptimit dhe zbatimit të reformave. Sot është dita të falenderojmë gjithashtu Shtetet e Bashkuara të Amerikës dhe aleatët europianë për mbështetjen e pakushtëzuar në këtë rrugëtim.?-shkruan Bushati.

Më tej, ai thekson se ?Përvjetori i 11-të i anëtarësimit tonë në #NATO përkon me 71 vjetorin e Aleancës! Sot #NATO mbron dhe promovon vlerat tona të përbashkëta, si mekanizmi garantues i arkitekturës së sigurisë europiane dhe kontribues në shumë misione paqeruajtëse në pika të ndryshme të botës. #NeJemiNATO?./ CNA.al

Lajmet e fundit nga