Foto ekskluzive/ Ben Blushi kapet me ortakun e inceneratorëve dhe Vjollcës

4 Prill 2020, 08:13, Politikë CNA

Disa investigime të njëpasnjëshme, një dosje e plotë në lidhje me ortakërinë e aksionerëve të Top Channel me kompaninë e inceneratorëve. Nuk do të kishte asnjë skandal, nuk do të kishte asnjë zhurmë në rast se kjo kompani nuk do të merrte me PPP dhjetëra million euro nga taksat e shqiptarëve. Apo qindra million euro deri në përfundim të kontratës.

CNA.al ka denoncuar me fakte dhe dokumente konkrete sesi bashkëshortja e Ben Blushit është bërë ortake në një kompani në Bullgari, me Klodian Mërtirin dhe Klodian Zoton.(Lexo këtu)

Pra, noterja Eva Blushi, bashkëshortja e Ben Blushit, mbante 33% të aksioneve të një kompanie që do të blinte më pas me një shumë prej 2.2 milion dollarësh 51% të aksioneve të Valtelina Kafe, e cila mban emrin tregtar Lori Kafe.(Lexo këtu)

Shumë media heshten. Heshtën edhe shokët e Benit. Heshtën analistët dhe moralistët e opinionit publik. Por, sot mund të themi se përtej dokumenteve të ortakërisë, shitblerjeve të aksioneve dhe propagandës që Top Channel ka bërë për inceneratorët, ne sot po sjellim një foto të Klodian Mërtirit, personi që ka ndryshuar disa gjeneralitetet dhe është njeriu kryesor i inceneratorëve, por dhe ortaku i Ben Blushit. Ben Blushi, Klodian Mërtiri

Ai ndodhet në foto me Benin në Bulevardin ?Dëshmorët e Kombit?, flasin të dy shumë. Dikush do të thoshte se s?ka rëndësi. Një drejtor televizioni e takon një pronar, një biznesmen.

Por, Klodian Mërtiri nuk është një biznesmen i zakonshëm. Ai është njeriu që nga PPP-të, do të marrë qindra million euro nga taksat dhe xhepat e shqiptarëve.

E Ben Blushi këtë di ta shfrytëzojë mjaft mirë, ashtu siç e shfrytëzoi edhe pas dështimit me themelimin e LIBRA-s.

Por, pse e themi këtë fakt pas kësaj fotoje?

Në atë kohë, Ben Blushi luftonte, bërtiste dhe ulëriste kundër Edi Ramës. Kundër politikave të qeverisë dhe bënte sikur mbronte të varfërit dhe shtresën e mesme. Dhe për shumicën e gjërave kishte të drejtë.

Por, askush nuk e mendonte se pas Ben Blushit të ekranit dhe fjalimeve të tij fshihej një Ben tjetër, një ortak i mëvonshëm i PPP-ve dhe kompanisë së inceneratorëve.

Në atë kohë një botues i njohur u shpreh se disa kohë pasi përfunduan zgjedhjet dhe Ben Blushi dështoi, në një takim i ka kërkuar të flasin gjërë e gjatë, që të mos shkruhej dhe të mos sulmohej më kompania e inceneratorëve dhe ky koncesion.

Por, përtej botuesit sot hesht edhe Fatos Lubonja dhe Andi Bushati që gati sa nuk u përplasen me makinë në zgjedhjet e vitit 2017, duke ardhur nga Elbasani për në Tiranë, për të votuar Ben Blushin. Atëherë e shikonin si zërin e tyre, që fliste me një frymë marksiste, pro të varfërve, kundër koncesioneve, kundër vjedhjeve që bënte qeveria me PPP.

Por, sot që Ben Blushi del ortak me kompanitë e inceneratorëve, sot që Ben Blushi ka bashkëshorten e tij aksionere në një kompani që ka blerë Lori Kafe, sot që Ben Blushi ka bërë me dhjetëra kronika pro kompanisë së inceneratorëve dhe iu ka dhënë mbështetje publike atyre, sot që Ben Blushi është ortak i inceneratorëve, këta ?moralistët? e djeshëm, heshtin.

Por, le ta shikojnë këtë foto dhe të kuptojnë se kush është në fakt Ben Blushi. Ai për të cilin rrezikuan jetën duke u aksidentuar për të ardhur në Tiranë për ta votuar. Ndoshta nxituan aq shumë dhe vrapuan për të votuar PPP-të. Por, në fakt ata votuan dështimin./ CNA.al

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Ekskluzive-Zbulohet gazetari oligark që ia kalon edhe Alfred Pezës

Detajet e reja/ Dokumentet që zbulojnë përqindjen e aksioneve të Ben Blushit me kompaninë e inceneratorëve

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Zbulohet biznesi i dytë i Ben Blushit me Vjollca Hoxhën

Noterja në skandal/ Ortakëria me Vjollca Hoxhën dhe Klodët e inceneratorëve