E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Dua Lulin kryeministër

4 Prill 2020, 12:26, Politikë CNA

Po bëhet gati një muaj që kur ka filluar pandemia e koronavirusit, i cili ka gjunjëzuar shumë shtete, superfuqi të botës. Sot SHBA mban numrin rekord të të prekurve. Italia dhe Spanja janë të plagosura. Luftohet në të gjithë Europën dhe botën me Covid-19. Shtetet marrin masa, qeveritë luftojnë fort, opozitat japin strategji, kurse në Shqipëri po ndodh ajo që nuk do ta besonit.

Ne kemi dy kryeministra. Njërin që është në detyrë dhe quhet Edi Rama, i zgjedhur me votat e shqiptarëve pas aleancës me Lulzim Bashën në zgjedhjet e vitit 2017 dhe tjetri është kryetari i Republikës së re, Lulzim Basha, i cili qëndron aty si emëruar nga kreu i qeverisë.

Njëri i vetëshpallur e tjetri i vetëzgjedhur

Por, në fakt pritet të fillojë shumë shpejt lëvizja ?Dua Lulin kryeministër?. Kjo lëvizje nuk do të përfshijë vetëm servilat e tij në oborrin e SHQUP-it, por do të ketë edhe personalitete të tjera nga fushat e kulturës, politikës dhe artit.

Këtu mund të përfshihen edhe emra të rëndësishëm të larguar nga politika, të cilët Luli pritet t?i thërrasë për t?i pasur në krah.

Por, pse kjo lëvizje?

Pritet që të jetë serioze pas daljeve të fundit me bibliotekën e tij në zyrë, të mbuluar nga pluhuri. Shpesh në kamera duket se librat nuk janë hapur kurrë. Janë disa botime të huaja, të cilat janë vendosur vetëm për fasadë.

Luli kryeministër plotëson dy kritere. Së pari, në gjendje të fatkeqësive dhe pandemive, ai bëhet më trendi, bëhet më serioz dhe është më i besueshëm se Edi Rama i cili lë mjekër, apo del me atlete. Ndërsa Luli del me kostum, i grimosur, i pudrosur dhe si një çun i bukur na jep leksione.

Nga ana tjetër, ai në fakt po qeveris vendin. Sepse çdo propozim që ai bën, Edi Rama e merr parasysh. Pra, duket sikur kryeministri ynë në detyrë duhej të ishte Luli dhe Edi Rama duhej të ishte në opozitë.

Çfarë kuptimi ka, Luli propozon dhe Edi pranon, kur Luli mund të ishte direkt në karrigen e kryeministrit dhe kështu do të gëzoheshin të gjithë dhe as nuk do të lodheshin, as nuk do të stresoheshin dhe akuza nuk do të kishte kaq shumë.

Megjithëse ata të dy janë shoklë, Edi Rama duhet t?i hapë rrugën Lulit. Prandaj dhe do fillojë kjo lëvizje ?Dua Lulin kryeministër?.

Nuk mund të ndodhë që Luli të propozojë, dhe Edi të pranojë. Luli duhet të jetë kryeministër që t?i zbatojë direkt idetë e tij. Edhe pse i dobët në aritmetikë, edhe pse nuk di të shuëzojë apo pjesëtojë, edhe pse nuk merr vesh nga ekonomia, edhe pse ka mbuluar veten me skandale, turpe, bëma gje gjëma, kjo nuk prish punë. Këto i ka bërë edhe Edi. Prandaj, ikën Edi dhe vjen Luli.

Kështu edhe lëvizja merr formën e saj dhe shpallet fituese. Dua Lulin kryeministër se nuk mund të qëndrojnë kot njerëzit, të rrinë e të presin sa të zbatojë Edi propozimet e Lulit. Apo ti pranojë me vonesë, tre ditë më vonë apo pesë ditë më vonë propozimet e tij, gjigante, të cilat janë të fuqishme për ekonominë, për varfërinë, për popullin dhe biznesin.

Prandaj dhe lëvizja ?Dua Lulin kryeministër?, në këtë kohë pandemie pritet të jetë më seriozja, më e rëndësishmja për të rrëzuar përfundimisht shokun e tij të ngushtë, ortakun e tij Edi Rama, nga pushteti. Edi Rama nuk ka pse rrin më në godinën e qeverisë. Ai duhet t?ia lëshojë Lulit dhe ky i fundit të jetë kryeministri ynë.

?Luli, Luli ti je kryeministri ynë? dhe ?Dua Lulin kryeministër? janë sloganet e fuqishme të çdo shqiptari tani kur ai propozon dhe Edi pranon.

?Luli, Luli ti je bota?, pritet të jetë edhe slogan i tretë që do ta hedhë në treg së shpejti një nga personalitetet e fuqishme politike të Partisë Demokratike, siç është Gazment Bardhi. Ai do të jetë dhe koordinatori kryesor i kësaj lëvizje, i ndjekur nga disa personazhe të tjera të botës së medias, ku përfshihen Desada Metaj, Elona Meço, Grida Duma, Ervin Salianji dhe shkrimtari i fuqishëm i Unazës, Klevis Balliu./ CNA.al