web counter
LEXO PA REKLAMA!

SHKARKO APP

App Store
Google Play

Mesazhi urgjent i Bashës/ Duhet vepruar sot, çdo ditë e humbur na kushton jetë dhe shëndet

4 Prill 2020, 11:17, Politikë CNA

Kryetari i Partisë Demokratike, Lulzim Basha e ka cilësuar lajm të gëzuar për të gjithë qytetarët shërimin nga koronavirusi të mjekut të njohur profesor Dhimitër Krajës.

Në një postim në rrjetet sociale, Basha shkruan se ?Është një lajm i gëzuar për mua personalisht dhe për çdo bashkëqytetar shërimi i Prof. Dhimitër Krajës.

Mendimet dhe lutjet tona shkojnë për të gjithë personelin mjekësor që po përballet sot me COVID-19. Për të gjithë ata mjekë, laborantë, infermierë, sanitarë e shoferë ambulancash që rrezikojnë çdo ditë jetët e tyre në shërbim të qytetarëve. Në këto ditë të vështira ata meritojnë angazhimin serioz të qeverisë për të siguruar të gjitha mjetet e nevojshme mbrojtëse për ekipet mjekësore.?.

Më tej, a i drejton edhe një mesazh urgjent qeverisë, ndërsa thekson se ?Transparenca është garanci dhe siguri si për stafet mjekësore ashtu dhe për të gjithë qytetarët. Testimi është mënyra më e suksesshme që po aplikohet sot për të identifikuar të prekurit nga COVID-19 dhe për të shkëputur zinxhirin e transmetimit.?

Sipas kryedemokratit Basha, sa nuk është vonë qeveria duhet të zbatojë korrektësisht kërkesën standarte të OBSH: rritjen e numrit të testimeve.

?Çdo shmangie nga kërkesat e përsëritura nga OBSH është papërgjegjshmëri e rëndë që jo vetëm fsheh të vërtetën por kushton shtrenjtë: Sa më pak testime, aq më pak persona të identifikuar, aq më gjatë shumë zgjatet zinxhiri i infeksionit, aq më gjatë vazhdon karantina dhe thellohet kriza ekonomike.

Duhet vepruar sot, çdo ditë e humbur na kushton jetë dhe shëndet!?-përfundon postimin e tij Lulzim Basha.





Lajmet e fundit nga