web counter
LEXO PA REKLAMA!

SHKARKO APP

App Store
Google Play

Përballja e rrezikshme Iran-SHBA/ Reagon ish-ministri i Brendshëm

8 Janar 2020, 08:53, Politikë CNA

Eksperti i Çështjeve të Sigurisë Ndërkombëtare, ish-ministri i Brendshëm, Dritan Demiraj ka folur për situatën e tensionuar mes SHBA-së dhe Iranit.

Në një lidhje me ?ABC e mëngjesit, Demiraj tha se Irani posedon një fuqi të jashtëzakoshme ushtarake përsa i përket mënyrës së doktrinës që e kanë ngritur bazën ushtarake.

?Pavarësisht se SHBA dhe Irani kanë katër vite në luftë me njëri ? tjetrin gjatë gjithë kohës kanë pasur negociata. Vrasja e gjeneralit nuk është ekzekutuar pa lejen e Rusisë, për shkak se ka qenë një nga njerëzit kryesor të presidentit Putin. Kasem Sulejmani ka qenë mbi dhjetë herë në Moskë, kjo tregon edhe rëndësinë e jashtëzakonshme që ka pasur gjenerali. Për të gjithë studiuesit e çështjeve të terrorizmit të gjithë e dinë se njihej si njeriu i cili kishte të gjithë çelësat e Lindjes së Mesme?, u shpreh ai.

Më tej ai theksoi se është një luftë e tmerrshme, sipas tij Irani në udhëheqjen e Sulejmanit ishte fuqizuar ndjeshëm.

?Kasem Sulejmanit i është ofruar tre herë presidenca, ai ka qenë një legjendë e Kombit iranian, por nga ana tjetër ka prishur balanca politike në Iran. Të gjitha ambasadat iraniane në botë nuk kanë ambasadorë nga linja standarde diplomatike. Amerika posedon sistemet me ekselente kundër raketave, por vetëm në dhjetë vitet e fundit Irani ka zhvilluar teknologjinë e luftës disa herë më shumë,? theksoi Demiraj.

Ndërkohë ai theksoi se qeveria shqiptare nuk duhet të bëjë asgjë më tepër nga çfarë ka bërë.





Lajmet e fundit nga