web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni në politikë/ Dasma e Veliajt si provë për SPAK

7 Janar 2020, 14:36, Politikë CNA

Prokuroria e Posaçme Kundër Korrupsionit dhe Krimit të Organizuar, e njohur ndryshe si SPAK tashmë ka filluar zyrtarisht punën.

Por, përtej çdo debati në lidhje me SPAK, pritshmëritë e opinionit publik, por edhe ndërkombëtarëve janë të larta.

Shqiptarët presin që SPAK së pari ta fillojë punën nga politika, të hetojë zullumet e tyre në 30 vite demokraci dhe një ndër personat e parë që duhet hetuar nga ky institucion është kryebashkiaku i Tiranës Erion Veliaj dhe burimi i pasurisë së tij.

Erion Veliaj është martuar në shtator të vitit 2014. Një dasëm që zgjati pothuajse një javë të tërë.

Pas ceremonisë madhështore në Kalanë e Gjirokastrës, Veliaj organizoi një tjetër ceremoni, në Pezë me rreth 900 të ftuar.

Një dasëm normale në një qytet të thjeshtë ku u zhvillua me të ftuar VIP-a dhe kostot që kishte ajo shkon disa dhjetëra milion lekë, ndoshta edhe qindra, ndërsa Lali na tha se e kishte bërë me kursimet e mamit.

Por, fakti është se Veliaj nuk bëri një, por disa dasma. Një e bëri në Pezë, një e bëri në Kala. Janë dhjetëra milion lekë, të cilave nuk iu dihet burimi, pa folur për dhuratat që kanë marrë ai dhe bashkëshortja.

Por, duket se dasmën e ka pasur problem dhe frikë Lali Eri sepse mesazhet që janë nxjerrë në komunikimin me Agon Channel në atë kohë, të cilat mund të kenë çuar edhe në humbjen e gjyqit nga shteti shqiptar, janë një provë e fuqishme.

Por, përtej asaj prove, dasma e Erion Veliajt është edhe një tjetër provë korrupsioni për SPAK-un.

Kjo sepse nuk kemi një por disa dasma, janë shumë para dhe nuk kemi në deklarimet e pasurisë dhuratat e dasmës. Dhe SPAK nuk ka pse të bëjë njoftime publike ?denonconi korrupsionin?, kur në fakt korrupsionin e ka përpara syve.

Ka një kryetar bashkie, dikur ministër, i cili ka shpenzuar miliona për dasmën e tij dhe ka thënë se është bërë me kursimet e mamit.

Atëherë duke marrë dhe analizuar të ardhurat e mamit në vite, zbulohet kollaj sesa mund të kursente një grua, për shkollimin e fëmijeve, e të tjera. Mund të zbulohen shumë detaje shpenzimesh që një person i vetëm vështirë se mund ti përballonte dot.

Plus kësaj që nuk ka ndonjë pasuri të madhe të trashëguar, që të mund të justifikonte dasmën shumë milionëshe të Lali Erit dhe këto krahasuar me shpenzimet, pasi ekzistojnë edhe disa pamje filmike të verërave të shtrenjta që shërbeheshin në dasëm në Kala. Kostot e mëdha të asaj dasme dhe të gjitha këto të çojnë në një pyetje: Ku i gjeti paratë Erion Veliaj për një dasëm luksoze? Kush e financoi? Kjo është një provë korrupsioni që tashmë SPAK e ka në dorë.

Mjafton dasma e tij për të hetuar gjithçka. Pa i hyrë në themel luksit me të cilin jeton kryebashkiaku dhe pa i bërë një Vetting. Sepse nëse do i bëhej një Vetting viteve të tij në aktivitetin e shoqërisë civile, politike e të tjera, të ardhurat, shpenzimet dhe kostot, ose do të përfundonte në pranga si i korruptuar, ose do të diskreditohej publikisht si një hajdut i fondeve publike të shoqërisë civile.

Por, për të vërtetuar këto është SPAK-u, i cili tashmë ka në dorë të tregojë se është një institucion i pavarur. Dhe jo vetëm me Lali Erin, por edhe me simbolet e tjera të korrupsionit politik në Shqipëri dhe Lali është një nga provat./ CNA.al





Lajmet e fundit nga