web counter
LEXO PA REKLAMA!

SHKARKO APP

App Store
Google Play

Kosovarët e vënë me shpatulla pas murit/ Presidenti: Inicimi i minishengenit, i sforcuar

7 Janar 2020, 21:35, Politikë CNA

Qëndrimi neutral i Metës në raport me iniciativën e minishengenit ballkanik ka shkaktuar pikëpyetje në Kosovë.

?Pse erdhi kjo situatë e raporteve politike Shqipëri-Kosovë dhe pse Presidenti i Shqipërisë po qëndron anash pavarësisht se ka kompetenca për të qenë më aktiv??, e pyeti Metën gazetarja nga Kosova.

Meta nga ana e tij u shfajësua duke përsëritur se  ai i mbështet nismat rajonale, por në rastet kur nuk hapin debate dhe polemika. Duke thënë se nuk ka dashur t?i hedhë “benzinë zjarrit” për të provokuar komente, Presidenti u shpreh se sovraniteti i Kosovës për Shqipërinë është i padiskutueshëm. Në fund, Meta deklaroi se sipas tij, inicimi i minishengenit është i sforcuar dhe nuk pritet ndonjë rezultat prej tij.

?Nuk kam mbajtur qëndrim neutral, kam bërë të qartë se mbështes iniciatvat rajonale që janë gjithëpërfshirëse dhe jo përjashtuese, ashtu sikurse e kam theksuar se asgjë nuk duhet të përdorur për të defaktorizuar Kosovën. Qëndrimi im ndaj Kosovës ka qenë korrekt, marrëdhënia ka qenë partneriteti, ne duhet të ndikojmë që dialogu të vazhdojë, të arrijë qëllimet dhe të bashkëpunohet që Kosova të jetë e fortë dhe e bashkuar. Sovraniteti i Kosovës për Shqipërinë është i padiskutueshëm. Nuk kam dashur t?i hedh benzinë zjarrit. Inicimi i minishengenit është i sforcuar. E shikoj si një lëvizje të paqaqrtë dhe të pafavorshme kur kemi ku t?i përqendrojmë energjitë, te integrimi në BE, askush nuk na pengon të lëvizim të lirë?, u shpreh Ilir Meta./CNA.al





Lajmet e fundit nga