web counter
LEXO PA REKLAMA!

SHKARKO APP

App Store
Google Play

E fundit!

x

Pompeo e zyrtarët e lartë të Europës, letër falënderimi Bushatit

3 Shkurt 2019, 13:59, Aktualitet CNA

Ish-ministri i Jashtëm Ditmir Bushati, ka marrë disa letra falënderimi nga zyrtarët të lartë të SHBA-ve dhe Europës, mes tyre edhe nga Sekretari Amerikan e Shtetit, Michael R. Pompeo.

Në letrën që Pompeo i ka dërguar Bushatit, sekretari amerikan ka vlerësuar rolin e ish-kryediplomatit shqiptar në krye të Ministrisë për Evropën dhe Punëve të Jashtme në forcimin e partneritetit strategjik mes Shqipërisë dhe SHBA-ve.

?Unë jam plotësisht dakord me vlerësimin tuaj të partneritetit strategjik të suksesshëm mes dy vendeve tona, që ju ndihmuat të forconi gjatë qëndrimit tuaj si ministër i jashtëm. Në 27 vitet e fundit, Shqipëria ka qenë një aleate dhe një mike e patundur e Shteteve të Bashkuara. Qeveria ime është veçanërisht mirënjohëse për angazhimin e Shqipërisë për të promovuar demokracinë, stabilitetin dhe sigurinë si një aleat i përkushtuar i NATO-s dhe një partner i ngushtë në Koalicionin Global për të mposhtur ISIS.?-thuhet në letër.

Më tej, Pompeo thekson se marrëdhëniet midis dy vendeve do vazhdojnë të jenë të njëjta, si dhe falënderon Bushatin për punën që ka bërë dhe vazhdon të bëjë.

?Ne do të vazhdojmë të qëndrojmë pranë Shqipërisë ndërsa përparon në rrugën e saj të drejt anëtarësimit në BE dhe integrimit. Ju uroj gjithë të mirat në vijim të punës suaj si anëtar i parlamentit. Ju falënderojmë për punën që po bëni në parlament për të siguruar përparimin demokratik dhe ekonomik të Shqipërisë?,- shkruhet në letrën që Sekretari Amerikan i Shtetit i ka dërguar ish-ministrit të Jashtëm.

Ministri për Europën i Britanisë, Alan Duncan gjithashtu ka vlerësuar punën e Bushatit dhe ka veçuar reagimin e shpejtë e në një zë me aleatët perëndimorë në lidhje me dëbimin e aleatëve rus pas sulmit në Salisbury dhe angazhimin e rolin e Shqipërisë në kuadër të procesit të Berlinit.

?Faleminderit për bashkëpunimin e ngushtë që ne patëm gjatë kohës suaj si Ministër i Jashtëm. Vendet tona bashkëpunojnë në një gamë të plotë të çështjeve të politikës së jashtme dhe unë personalisht jam shumë mirënjohës për veprimet që morët si pjesë e reagimit të bashkësisë ndërkombëtare ndaj agresionit të Rusisë në Salisbury. Ishte kënaqësi të punoja me ju, dhe ju uroj shumë suksese në përpjekjet tuaja të ardhshme?, thuhet në letrën e ministrit për Europën, Alan Duncan.

Ish-ministri ka marrë letra falënderimi edhe nga Italia e Turqia. Ministri i Jashtëm italian Enzo Moavero Milanesi, i ka shprehur mirënjohjen Bushatit për rolin e tij në rritjen cilësore të bashkëpunimit midis dy vendeve.

?Dëshiroj të të shpreh falenderimet e mija më të ndjera për bashkëpunimin e frytshëm të ndërtuar gjatë këtyre muajve. Sinergjitë e maturuara në fusha të ndryshme ? midis të cilave për nga rëndësia e tyre kujtoj impenjimin e përbashkët në rrugën e integrimit evropian të Shqipërisë, ashtu edhe bashkëpunimin në kuadër të pjesëmarrjes së përbashkët në OSBE- do të jenë një themel i fortë për të vijuar në forcimin e marrëdhënieve midis dy Vendeve tona. Këto marrëdhënie, tashmë të shkëlqyera, patjetër që kanë regjistruar një rritje të mëtejshme cilësore gjatë mandatit Tënd?,-shkruan Enzo Moavero Milanesi.

Ndërsa homologu turk i Bushatit,  Mevlut Cavusoglu, e ka falënderuar për bashkëpunimin dhe konsolidimin e partneritetit strategjik mes dy vendeve.

?Dëshiroj të shpreh falënderimet e mia të sinqerta për bashkëpunimin tuaj gjatë qëndrimit tuaj si Ministër i Evropës dhe Punëve të Jashtme të Shqipërisë. Dua të ritheksoj mbështetjen tonë për kandidaturën e Shqipërisë si një anëtar jo i përhershëm i Këshillit të Sigurimit të OKB-së në vitin 2022-2023?-thuhet në reagimin e ministrit të Jashtëm turk./CNA.al





Lajmet e fundit nga