web counter
LEXO PA REKLAMA!

SHKARKO APP

App Store
Google Play

E fundit!

x

Fluks aplikimesh/ Shtyhet vlefshmëria e kartave të identitetit

30 Janar 2019, 12:46, Aktualitet CNA

Ministria e Brendshme ka vendosur të shtyjë afatin e vlefshmërisë së kartave të identitetit, të cilat skadojnë këtë vit. Afati i tyre do të zgjatet deri më 31 dhjetor 2019.

Shkak për këtë vendim është bërë fluksi i lartë i qytetarëve, të cilët aplikojnë për letërnjoftime elektronike.

Lajmi është bërë i ditur nga Ministri i Brendshëm, Sandër Lleshaj, i cili së bashku me Kryebashkiakun e Tiranës, Erion Veliaj ishin sot në zyrat e reja në Rrugën ?Bardhyl?, të cilat u vijnë në ndihmë 120 mijë banorëve të Njësive 3 dhe 4.

Lleshaj siguroi qytetarët se me kapacitetet e shtuara nuk do të kenë asnjë pengesë në marrjen në kohë të shërbimit të kërkuar.

?Është rezultat i një pune intensive që është bërë ditët e fundit, për të rritur kapacitetet e prodhimit për kartat e identitetit edhe në prag të zgjedhjeve, por edhe për të përballuar fluksin e madh i cili lidhet me skadimin e një numri shumë të madh kartash, të cilat janë prodhuar pothuajse në të njëjtën kohë në vitin 2009. Bashkia e Tiranës dhe Ministria e Brendshme kanë ndërmarrë masa për të zgjeruar kapacitetet dhe për të përmirësuar kushtet e aplikimit?, nënvizoi Lleshaj.

Ministri tha se modeli i suksesshëm që po aplikohet në Tiranë do të shtrihet edhe në qytetet e tjera të vendit, ku do të hapen zyrat e reja të aplikimit.

?Kemi ardhur këtu edhe për të dhënë një mesazh, për të dhënë edhe një model se si duhet të shndërrohen zyrat e aplikimit në gjithë vendin, të cilat duhet të marrin këtë trajtë ose edhe më mirë. Po e fillojmë nga Tirana me shpresën se Tirana do të përbëjë modelin e duhur për t?u ndjekur nga qytetarët. Përveçse shtimit të kapaciteteve dhe përmirësimit të kushteve, qeveria shqiptare do të ndërmarrë masa edhe për të zgjatur vlefshmërinë e kartave të identitetit që skadojnë në vitin 2019. Pra, dua të krijojmë një mundësi që asnjë qytetar shqiptar të mos ngelet qoftë edhe për një arsye të vetme pa realizuar të drejtën e votimit për shkak të kartës?, u shpreh Lleshaj./ CNA.al





Lajmet e fundit nga