Video-Luli shikon filma, e sulmon me vezë

30 Janar 2019, 11:14, Aktualitet CNA

Politika jonë është sa qesharake, aq edhe e neveritshme. Jo vetëm për faktin e urrejtjes së madhe popullore për shkak të korrupsionit, gjendjes ekonomike apo dhe tranzicionit të lodhshëm që po kalon vendi, por edhe të mungesës së ideve dhe të aksionit të saj.

Një politikë, thuajse infantile dhe kopjace, por kopjace shumë e keqe.

Së fundi në kopje është kapur edhe Lulzim Basha në aksionin e tij politik. Pra, pas Erion Veliajt që kopjon edhe kur shkon në banjo Barack Obamën, Lulzim Basha shikon filma amerikanë, lexon fraza apo vjedh për aksionin e tij politik.

Mjafton të shikoni filmin e vitit 2015, ?Our Brand is Crisis?, me Sandra Bullock, Billy Bob Thornton dhe Anthony Mackie, i cili flet për një fushatë zgjedhjesh presidenciale në Bolivi, për të kuptuar se çfarë ndodh me politikën shqiptare dhe si zgjidhen kryeministrat në vendin tonë, ekipet e propagandës e deri si të qëllojmë me vezë kundërshtarin.

Në film duket një aksion shumë i qartë. Pala tjetër, pra pala kundërshtare paguan apo urdhëron një militant që të qëllojë me vezë një kandidat për president. Ngjarja ndodh dhe menaxhohet nga kandidati i goditur, ndryshe nga ajo e Ramës në parlament.

E njëjta situatë ndodhi edhe në Shqipëri pak javë më parë. Lulzim Basha nxori një vezë nga pas, ja dha atë deputeti Endri Hasa dhe me atë vezë u gjuajt Edi Rama.

I vetmi ndryshim është se Rama është kryeministër, ndërsa në rastin e filmit personazhi ishte një kandidat për president.

Megjithëse në fakt, filmin me shumë gjasë duket ta ketë parë Endri Fuga më parë, i cili nuk bëri të njëjtin reagim siç ka ndodhur në këtë aksion të realizuar nga Hollivudi. Ose kompanitë e huaja të paguara me miliona për propagandë vëzhgojnë njera-tjetrën.

Ky nuk është rasti i parë që Lulzim Basha kapet me kopje dhe nuk është rasti i parë që tregon sesa i paaftë është.

Për të lënë mënjeanë komentet shikoni dy videot më poshtë, për të kuptuar sesi politika jonë nuk ka fantazi, nuk ka ide, nuk ka produkt, por shikon natën filma, e ditën i përkthen ato në aksione, duke ua shitur qytetarëve si ide dhe veprime të prodhuara prej saj.

Nuk dihet se kujt i pëlqen më shumë ky film. Vetë Lulit apo familjes që ka në dore imazhin dhe propagandën e tij./ CNA.al

Video nga filmi ?Our Brand is Crisis?:

Video nga momenti kur Endri Hasa gjuan Ramën me vezë:

Ekskluzive/ Zbulohet pularia që i dha vezët Lulit

?I fshehu në xhep?/ Publikohet videoja, ja kush i futi vezët në parlament

Tensione në parlament/ Ruçi përjashton një deputet