Connect with Us

Kryeprokurorja e skandaleve dhe sherreve/ Donika Prela në Vetting

Aktualitet

Kryeprokurorja e skandaleve dhe sherreve/ Donika Prela në Vetting

Publikuar

-

donika prela ne vetting

Donika Prela u katapultua në krye të Prokurorisë së Krimeve të Rënda vetëm 24 orë pasi i grabitën postën sekrete në Prokurorinë e Durrësit.

Prela nga drejtimi i Prokurorisë së Durrësit, sa hap dhe mbyll sytë e pa veten “në majë” të Krimeve të Rënda,në vend të Besim Hajdarmatajt.

Prela, ndryshe, në koridoret e organit të akuzën lakohet edhe si gruaja që ha “koka burrash”.

Para se të zinte vendin e Hajdarmatajt, prokurorja Prela i zuri karrigen e kreut të Prokurorisë së Durrësit Agron Gjana dhe pas pesë muajsh largoi nga posti Hajdarmatën e Krimeve të Rënda.
Pasi “shijoi kokat” e prokurorëve Agron Gjana dhe Besim Hajdarmataj, Prela, vuri në tavë edhe “kokën” e ish-kryeprokurorit Adriatik Llalla.
Në fakt të gjithë burrat që u” hëngri dhe u shijoi kokat” ia serviri Prokurorja e Përgjithshme e përkohshme Arta Marku.

Prela, pasi mori drejtimin e Prokurorisë, instaloi dhunën dhe dikaturën ndaj prokurorëve dhe oficerëve gjyqësorë.
Drejtuesja e Prokurorisë për Krime të Rënda Donika Prela, kërkoi nga oficerët e policisë gjyqësore, që të raportonin me detaje për të gjitha hetimet. Një gjë të tillë e ka bërë edhe me prokurorët. Kjo nismë e saj nxiti dyshime, se po tentohej të mbylleshin dosje që kanë objekt hetimi zyrtarë të nivelit të lartë.
Sikur mos të mjaftonin të gjitha këto Donika Prela, prodhoi një super-skandal tek Krimet e Rënda. Në fakt super-skandali u inicua nga Arta Marku me largimin e prokurores së dosjes “Shullazi”, Elisabeta Imeraj në krye të Prokuorisë së Tiranës.

Por, Donika Prela vetëm sa e përforcoi. Në shtator të vitit që shkoi, një sherr i madh degjeneroi në Prokurorinë e Krimeve të Rënda, madje situata ka qenë tejet e e tensionuar saqë është kërkuar ndërhyrja e Policisë.
Dosja “Shullazi” u kthye në “mollë sherri” tek Krimet e Rënda, pasi ndërkohë që pritej pretenca, çështja mbeti pa prokurorë. Kjo situatë u krijua pas emërimit të prokurores së mëparshme, Elisabeta Imeraj në krye të Prokurorisë së Tiranës dhe largimit jashtë vendi për arsye shëndetësore të prokurorit, Ened Nakuçi.
Paraprakisht u raportua se disa prokurorë braktisën shortin e organizuar për çështjen, duke e konsideruar të paligjshëm, ndërkohë prokurori Besim Hajdarmataj kishte pranuar ta mbante ai çështjen.
Mirëpo, Prela dhe sigurisht Marku nuk e kanë marrë parasysh këtë fakt dhe për këtë arsye për 10 prokurorë nisën hetimet disiplinore, ndërsa tre prej tyre u internuan në rrethe.
Donika Prela ka qenë pjesë vorbullës së skndaleve dhe sherreve prej kohës që ka marrë nën drejtim Krimet e Rënda.
Më 22 jnar 2019, ajo pritet t’i nënshtrohet Vettingut, në tre shtyllat, atë të pasurisë, anës profesionalizmit dhe pastërtisë së figurës.
CNA.al sjell pa koment pasurinë e deklaruar ndër vite nga prokurorja Prela. Por siç kanë raportuar më herët disa media, Donika Prela, rrezikon seriozisht karrierën e saj përballë Vetingut, për shkak të një transaksioni të dyshimtë financiar që ka realizuar në vitin 2014, duke arkëtuar plotë 3 milionë lekë të reja me një “goditje” të vetme.

Deklarimet e pasurisë ndër vite
Në vitin 2003, ka deklaruar një banesë me qira, dhe pjesa tjetër ëhstë e pakuptueshme në formularët e deklarimit.
Në vitin 2004 ka deklaruar nja automjet ne vlrën 250.000 lekë, pagën mujore në vlerën 655.205 lekë, shpërblimin vjetor në vlerën 30 157 lekë, pagëne bashkëshortit në vlerën 159 240 lekë , shpërblimin vjetor të bashkëshortit në vlerën 25000 lekë.
Në Vitin 2005 ka deklaruar të ardhura nga paga si prokurore në Durrës, në shumën 389 404 lekë, të ardhura nga leja e lindjes në shumën 219 725 lekë, shpërblim në shumën 9000lekë, në total 618 129 lekë, të ardhura nga paga e bashkëshortit në shumën 15 -000 lekë në muaj si dhe shpërblim në vlerën 10 000 lekë.

Në vitin 2006 ka deklaruar pagën si prokurore në Durrës në shumën 826 814 lekë, pagën e bashkëshortit në shumën 600 000 lekë, si dhe të ardhura cash 1 milion lekë.
Në vitin 2007 ajo ka deklaruar se ka blerë një apartament, 2 plus 1, në vlerën 32 100 euro, të ardhura nga paga në shumën 846 103 lekë, të arhura nga paga e bashkëshortit në vlerën 600 000 lekë, hua e marrë për blerje apartamenti në vlerën 15 000 euro.

Në vitin 2008 ajo ka deklaruar se ka ashitur makinë tip Benz në vlerën 300 000 lekë, blerje automjeti për bshkëshortin në vlerën 500 000 lekë, të ardhura nga paga 334 878 lekë, të ardhurat nga leja e lindjes në vlerën 260 000 lekë, të ardhura nga paga e bashkëshortit më vlerën 600 000 lekë, sërish të ardhura nga puna e bashkëshortit ne vlerën 720 000 lekë, hua e marrë për blerje apartamenti në vlerë 15 000 euro, janë paguar 7500 euro.
Në vitin 2009 ajo ka deklaruar të ardhura nga paga e saj në shumën 877 325 lekë, të ardhura nga paga e bashkëshortit në shumën 1 200 000 lekë, ka shkley huanë prej 15 000 euro, pagesë për studimet master paguar 1 000 euro dhe pashlyer 1500 euro.
Në vitin 2010, ajo ka deklaruar kursime në vlerën 500 mijë lekë, te ardhura nga paga në shumën 908 684 lekë, të ardhura nga bashkëshorti në vlerën 400 000 lekë.
Në vitin 2011 ajo ka deklaruar kursime në shumën 1 milion e 500 mijë lekë , paga si prokurore në shumën 989 558 lekë, paga e bashkëshortit në shumën 1 milion e 200 mijë lekë, dhe nga aktivitetet e tij private.
Në vitin 2012 ajo ka deklaruar se ka blerë një automjet në vlerën 400 000 lekë, pasi ka shitur një tjetër automjet me të njëjtën vlerë. Edhe bashkëshorti i saj ka blerë një automjet në vlerën 6 500 euro. Gjithshtu ka deklaruar pagëne saj në vlerën 962 403 lekë, të ardhura nga paga dhe shpërblime e bashkëshortit në vlerën 546 018 lekë, të ardhura po na bashkëhsorti si inxhiner në një kompani private në vlerën 444 710 lekë, kursime në vlerën 2 milion lekë si dhe një apartament me sipërfaqe 95.6 metër katror në vlerën 32 100 euro.
Në vitin 2013 ajo ka blerë një sipërfaqe toke 1000 metër katror me vlerë 350 000 lekë, të ardhura nga paga si prokurore në shumën 977 2018, pagëne bashkëshortit në shumën 550 947 lekë, kartë krediti deri në shumën 90 mijë lekë.
Në vitin 2014 ajo ka deklaruar se ka blerë një apartament me sipërfaqe 59.2 metër katror, në vlerën 1 milion e 400 mijë lekë, kursime nga paga në shumën 1 milion e 200 mijë si dhe të ardhurat nga puna.
Në vitin 2015 ajo ka deklaruar s ek shitur një apartament në vlerën 4 milionë lekë , kursime në vlerën 1 milion e 500 mijë lekë, të ardhura nga paga e saj dhe e bashkëshortit. Gjithashtu ajo deklaron se motra i ka dërguar nga Amerika 1000 euro ka shpenzuar për pushime në Turqi 2 560 euro.
Në vitin 2016 ajo ka deklaruar llogari bankare në shumën 4 500 758 47 lekë në emër të bashkëshortit Vangjel Prela. Llogari bankare në emër të vajzës, nxënëse në klasën e gjashtë në vlerën 27 000 00 lekë.
Të ardhura nga shlyerja e huasë me datë 27.02.2015 e deklarur në vitin 2015, likujduar plotësisht me datë 02.08.2016 në shumën 300 000 lekë.
Kursime nga gjendja cash në shumën 500 000 lekë. /CNA.al

Krimet e Rënda si kapanon ushtarak/ Donika Prela i do prokurorët nën “këmbët” e saj

Donika Prela po mbyll dosje politikanësh?!/ Zbardhet urdhëri skandaloz

Mbyllja e dosjeve të zyrtarëve të lartë tek Krimet e Rënda?/ Reagon Donika Prela

Krimet e Rënda në kaos/ Donika Prela u “lidh” duart prokurorëve

Krimet e Rënda si kapanon ushtarak/ Donika Prela i do prokurorët nën “këmbët” e saj

Donika Prela bën gati qelinë për Llallën/ Zbulohet pasuria e kryeprokurores që “tmerron” burrat

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Prokurori i “21 janarit”, manipuloi me pasurinë?/ Zbardhet skema

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Patundshmëri dhe apartamente nga Tirana në Vlorë/ Hije dyshimi mbi pasurinë e skandalit Bujar Leskaj

 

LEXO TE PLOTE
Lajme të Rekomanduara: