web counter
LEXO PA REKLAMA!

SHKARKO APP

App Store
Google Play

Pjesë e haremit të Erdoganit?/ Presidenti, hesht për skandalin me memorialin

11 Gusht 2019, 13:27, Aktualitet CNA

Ngritja e memorialit për qytetarët turq të rënë gjatë grushtit të shtetit ndaj Erdoganit, në Parkun e Liqenit, ka shkaktuar shumë polemika, pasi të shumtë kanë qenë zërat, të cilët e kanë kundërshtuar memorialin.

Ajo që mbetet e pakuptueshme në gjithë këtë zallamahi, përveç arsyes së ngritjes të memorialit, është se pse përballë reagimeve të ashpra të qytetarëve, të cilët e quajnë turp vendosjen e memorialit turk në Tiranë, politika dhe drejtuesit kryesor të shtetit vijojnë të heshtin.

Presidenti Ilir Meta, zgjohet dhe ngryset në rrjete sociale, ndërkohë nuk ka folur asnjë fjalë për këtë skandal.

Ndërtohet një memorial me emrat e viktimave të grushtit të shtetit në Turqi,  në mes të Tiranës dhe Kreu më i Lartë i Shtetit mbyll gojën.

Ndërkohë që për disa muaj me rradhë ka vijuar të flasë për Ramën dhe Bashën dhe krizën politike, tashmë nuk paska disa minuta kohë të bëjë një reagim mbi memorialin e ngritur tek parku i Liqenit?

Të ndodhur përballë heshtjes disa ditore të Presidentit të vjen vetëm një gjë në mendje, se edhe Ilir Meta është një turkoshak i tredhur asgjë më shumë se të tjerët./CNA.al





Lajmet e fundit nga