E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Marrëveshja për detin/ Berisha zbulon prapaskenat e paktit mes dy vendeve

17 Tetor 2018, 15:36, Aktualitet CNA

Ish-kryeministri Sali Berisha në një intervistë për televizionin Klan, me gazetaren Jolldiz Mitro ka folur për marrëveshjen e detit mes Greqisë dhe Shqipërisë.

Para pak kohësh ministri i Jashtëm i Greqisë, Nikos Kotzias, i cili sot dha dorëheqjen nga posti u shpreh se pengesë për realizimim e marrëveshjes është bërë presidenti Ilir Meta.

I pyetur për këtë fakt Berisha është shprehur se mënyra se si qeveria shqiptare po sillet ndaj institucionit të kreut të shtetit përbën një padi.

?Së pari kjo përbën një padi që qeveria shqiptare, në fakt antishqiptare i bën institucionit të kreut të shtetit të Shqipërisë, për qëndrimet e tij kushtetuese?.

Më tej Ish-kryeministri ka theksuar se marrëveshja mes dy vendeve është negociuar në mënyrë antikushtetuese.

?Së dyti fakti që të dyja qeveritë bëjnë të njëjtën akuzë fakton dhe një herë se kanë një pengesë që duhet ta kapërcejnë për të realizuar marrëveshjen më antishqiptare që nga Kristaq Zografi deri tek Edvin Kristaq Rama. Të dy këta shqiptarë njëri nga Qesarati e tjetri nga Mbreshtani, por albanofob dhe antishqiptarë më të mëdhenj në histori nga 1912 deri sot.

Marrëveshja është negociuar në mënyrë antikushtetuese. që në takimin eparë pala greke i ka ka thënë palës shqiptare se ne nuk njohim vendimin e palës kushtetuese. Që në këtë moment çdo negocim, është një negocim fund e krye antikushtetues.

Në këtë moment pala shqiptare duhet të ngrihej nga tavolina dhe t’i thoshte se negociatat morën fund.

Tre takime janë zhvilluar gjithsej. Shqiptarët duhet ta dinë me marrëveshjen që pala greke i ka dorëzuar veglave të tyre shqiptare në negociata, Shqipëria humbet të paktën 1300 km2 det. Humbet të gjithë pjesën e rezervave të trilionave të naftës dhe të gazit të njohura tashmë botërisht?,- tha Berisha.

Në përfundim, ish-kryeministri Berisha u shpreh se burime të tij nga delegacioni bëjnë me dije se pala greke ka kërkuar të bëjë zgjidhje politike dhe jo tekniko-juridike.

?Burime të brendshme të delegacionit më thonë se në takimin e 2 pala greke është ofruar të bëjmë zgjidhje politike dhe jo tekniko-juridike. Zgjidhja politike ishte që Greqia kalon nga 6 në 12 milje djhe pastaj do t’i japi palës shqiptare disa ranishte dhe ujra të pavlerë.

Unë e theksoj se pala greke ka të drejtë të kalojë në 12 milje, por jo në proces ndarje. Pala greke në ndarjen me italinë ka qëndruar në 6 milje, në ndarjen me Turqinë është nga 3-6 milje, pse duhet me proces ndarje në rastin e Shqipërisë.

Faktikisht këtu ka një kapitullim të plotë pa kushte të Edvin Kostaq Zoografit të 2 dhe Bushatit që është në kthetrat e Kotzias?,- deklaroi Berisha./ CNA.al