E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama flet me shifra/ Zbulon sa do të rriten pagat për mësuesit, infermierët dhe ushtarakët

17 Tetor 2018, 14:49, Aktualitet CNA

Pasditen e sotme në ambientete e Kryeministrisë është mbledhur Këshilli Ekonomik Kombëtar.

Në fjalën e tij kryeministri Edi Rama ka deklaruar se buxheti i vitit 2019 do të jetë më i madh, pra prishmëria është 65.3% , me 2.55 të prodhimit të brendshëm bruto.

Më tej ai u shpreh se nga data 1 prill e vitit të ardhshëm do të rriten pagat për mësuesit 7%, infermierët 10% dhe ushtarakët 5-7%.

“Buxheti i 2019 është i gjashti që do aprovohet me propozim të qeverisë socialiste, kujtoj se në buxhetin e parë kishim detyrimin të përballeshim me shlyerjen e një stoku të konsiderueshëm borxhi të papaguar të qeverisë së mëparshme dhe kërcënimin e një kolapsi. Ky do të jetë buxheti më i madh. Këtë vit do të hyjë për herë të parë ceku i bebes. Dua të sqaroj edhe njëherë nëse janë binjakë apo trinjakë.

Për të gjitha rastet e binjakëve të dy marrin si të dytë dhe trinjakët si të tretë. Kështu që me jetë të gjatë dhe forca. Do të bëjmë edhe një rritje tjetër duke nisur nga 1 prilli, të gjitha kategoritë, qëllon një ditë përrallash, por për ne ka qëlluar që kemi pasur disa zhvillime pozitive, kështu ka qenë për rritjen e pagave. Për mjekët, infermierët, mësuesit dhe ushtarakët. Në shëndetësi do të kemi rritjen më të lartë, 10%, në arsim 7% dhe ushtarakët 5-7%.

Buxheti i ri do të mbështesë një numër politikash të reja. Ka një hap për financimin e projektit të diasporës. Presim avancimin me kodin zgjedhor për sanksionimin e votës së emigrantëve. Investimet në infrastrukturë janë gjysmë miliard, rrugë kombëtare, ujësjellësa dhe rehabilitimin e rrjetit. Rindërtim të të gjithë rrjetit të qendrave shëndetësore, që do të jenë 100 për vitin tjetër dhe projekte të reja për spitale.

Gjithashtu kemi menduar edhe për transportin e fëmijëve dhe mësuesve. Pra fëmijët që e kanë shkollën më shumë se 2 kilometër larg dhe mësuesit që e kanë më shumë se 5 do t?i mundësohet transporti falas?,- u shpreh kryeministri Rama./ CNA.al