web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta nuk mund ta firmosë ndërtimin e Teatrit të ri me konçension

27 Korrik 2018, 09:54, Aktualitet CNA

Presidenti i Republikës Ilir Meta po vazhdon të marrë të gjithë kohën e tij për t?u konsultuar dhe për të dëgjuar artistët, grupet pro dhe kundër, ndërtimit të Teatrit të Ri Kombëtar.

Në fakt termi i ndërtimit të Teatrit është i gabuar, sepse përtej ndërtimit të Teatrit të ri në Ligjin e miratuar në Parlament nga Rama dhe Veliaj, do të kemi shembjen e Teatrit të vjetër, dhurimin e  një sipërfaqeje, shumë të madhe pronë publike për biznesin privat, ndërtimin e kullave dhe me fitimet e tyre, ndërtimin e një Teatri të ri.

Ndaj Ilir Metës po çohen disa peticione, të cilat janë firmosur nga personazhe kryesore, të skenës dhe artit, personazhe të cilët kanë kundërshtuar ashpër shembjen e teatrit dhe ndërtimit të një të riu me fonde konçesionesh, apo pazare duke falur trojet e shtetit.

Peticioni i firmosur dhe nga ikona si Robert Ndrenika të cilëve iu është vënë përpara dokumenti, i cili në një fjali thotë qartësisht ?’Duke mos lejuar të ndryshohet asnjë centimetër pronë e Teatrit Kombëtar??.

Dhe në fakt të gjithë do të ishin dakort që të mos ndryshohej asnjë centimetër pronë e Teatrit Kombëtar, dhe teatri të ndërtohej nga shteti.

Përballë këtyre rrymave ndodhet Ilir Meta, përballë Qeverisë, e cila ka miratuar një ligj, përballë Veliajt i cili dërgon mesazhe me qetësi dhe dashuri, por edhe përballë artistëve të cilët kanë dalë në protesta dhe kanë kundërshtuar ndërtimin e Teatrit të ri me konçesion gjithmonë.

Dhe nga ana tjetër kanë firmosur ndërtimin e një teatri të ri pa cënuar sipërfaqen e pronësisë së shtetit, pra sipërfaqen publike. Kujtojmë këtu se disa vite më parë Presidenti i Republikës, në atë kohë kreu i Kuvendit Ilir Meta dhe kreu i LSI-së çuan një ligj në Parlament dhe kundërshtuan ashpër konçesionet e Qeverisë.

I kërkuan Edi Ramës atëherë, që konçesionet të kalonin me ligj në parlament, këtë që bëri sot Edi Rama.

Atëherë Rama e kishte të vështirë të siguronte mazhorancën e tij me Ilir Metën, pasi Meta mund ta pengonte në aventura të tilla konçesionesh ku falen sipërfaqe të mëdha toke publike dhe bizneset mund të fitojnë qindra miliona euro.

Në atë kohë Edi Rama nuk e bëri ligjin, çdo konçesion e jepte me vendime qeverie. Sot ashtu si ka kërkuar Meta dikur, ka kaluar një konçesion me ligj në parlament. Nga ana tjetër, peticioni po shkon çdo ditë.

Presioni i qeverisë duket të jetë i lartë, por Ilir Meta duket se ka ende pikëpyetje, dhe është momenti për të treguar se është me integritet, dhe do të firmosë kundër një teatri pazaresh ose vetë do të zhytet në pazare.

Ose siç ka bërë ai gjithmonë nuk do të jetë as mish as peshk, do të ngjyejë bukën e tij apo do të fusë lugën në çorbën e Edi Ramës, duke u përpjekur të gjejë një rrugë të mesme, duke luajtur me formulën se mund të ndërtohet ose mund të heshtë, ose s?mund të ndërtohet, por duhet ta ndryshojmë e më pas ta kalojmë.

Në fakt për Ilir Metën, ka vetëm një rrugë dhe është rruga për ti thënë jo ndërtimit të teatrit me konçesion. Dhe ai ka qënë kryeministër dhe e di shumë mirë se ndërtimi i një teatri me një kosto rreth 30 milionë euro ndoshta dhe disa herë më pak nuk është asgjë për buxhetin e shtetit.

Në qoftë se ai do ta vendosë atë në prioritetet e tij dhe nuk do ta falë tokën publike, por tek ajo tokë publike mund të ndërtojë vetë shteti në të ardhmen, institucione, godina në funksion të publikut, dhe jo në funksion të qendrave të biznesit apo pallateve që mund të shiten nga tregtarë të ndryshëm.

Vulën për ti hapur rrugë këtyre tashmë e ka në dorë Ilir Meta i cili ose do të marrë copën e tij ashtu siç e përmendëm më lart, ose do të tregojë se është kundër këtij parimi, pra konçesioneve që vjedhin pronën publike në interes të privatit të cilin Meta e ka trumbetuar shpesh dhe e ka kritikuar fort. Tani do të shohim pra për pak ditë deri me datën 30  Metën me apo pa maskë./CNA.al





Lajmet e fundit nga