web counter
LEXO PA REKLAMA!

SHKARKO APP

App Store
Google Play

Aksident i rëndë/ Kërkohet ndërhyrja e helikopterit

10 Qershor 2018, 14:36, Aktualitet CNA

Një aksident i rëndë raportohet të ketë ndodhur ditën e sotme në Bulqizë ku një motor është përplasur me një makinë.

Sipas informacioneve paraprake mësohet se ngjarja ka ndodhur pranë komisariatit të policisë, ndërsa burime nga vendngjarja raportojnë se drejtuesi i motorit, identiteti i të cilit nuk bëhet i ditur ndodhet në gjendje të rëndë shëndetësore.

Autoritetet spitalore kanë kërkuar që ai të transportohet me helikopter drejt Tiranës për shërbim më të specializuar, ndërsa forca policie vijojnë hetimet për zbardhjen e plotë të shkaqeve dhe rrethanave të ngjarjes.

Njoftimi i plotë i policisë:

Në aksin rrugor Bulqizë-Shupenzë, tek rruga e ‘Arbrit’, ka ndodhur një aksident rrugor.

Menjëherë kanë shkuar shërbimet e policisë në vendin e ngjarjes, dhe nga verifikimet paraprake kanë konstatuar se është përplasur automjeti me targa italiane DF 38EF, me drejtues shtetasin R.K, 26 vjeç, banues në Bulqizë, me një motorrçikletë pa targa me drejtues shtetasin S.K, rreth 50 vjeç.

Nga përplasja e automjeteve ka mbetur i dëmtuar shtetasi S.K, ku pasi ka marrë ndihmën e parë në spitalin e Bulqizës, është transportuar për ndihmë me helikopter drejt Tiranës.

Grupi hetimor vijon hetimet në vendin e ngjarjes, dhe po punohet për zbardhjen e shkaqeve të aksidentit. /CNA.al





Lajmet e fundit nga